ଡାବୁଗାଁ, ୩୦/୧୦(ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ କୋଇଲାରୀ ଗ୍ରାମ ପଞ୍ଚାୟତ କୋଇଲାରୀ ଗ୍ରାମରେ ମଧ୍ୟାହ୍ନ ଭୋଜନ ପାଚିକା ମାନଙ୍କର ଏକ ଗୁରୁତ୍ଵପୁର୍ଣ ବୈଠକ ଓ ନୂତନ କର୍ମକର୍ତ୍ତା ଚୟନ କାର୍ଯ୍ୟକ୍ରମ ରବିବାର ଅନୁଷ୍ଠିତ ହୋଇଯାଇଛି । ଏହି ଅବସରରେ ଡାବୁଗାଁ ବ୍ଲକର ୪୬ ଟି ସ୍କୁଲର ମଧ୍ୟାହ୍ନ ଭୋଜନ ପ୍ରସ୍ତୁତ କରୁ ଥିବା ପାଚିକା ମାନଙ୍କୁ ନେଇ ଏକ ଗୁରୁତ୍ଵପୁର୍ଣ ବୈଠକ ବସିଥିଲା ।
ଉକ୍ତ ବୈଠକରେ ପାଚିକା ମାନଙ୍କ ଦରମା ବୃଦ୍ଧି ଦୈନିକ୪୬ ଟଙ୍କାରୁ ୩୦୦ ଟଙ୍କା କରାଇବା ଉପରେ ବ୍ୟାପକ ଆଲୋଚନା କରାଯାଇଥିଲା । ଏହା ପରେ ନୂତନ କମିଟି ଗଠନ ହୋଇଥିବା ବେଳେ ସଭାପତି ଭାବେ ଜୟମଣୀ ଭତ୍ରା, ସମ୍ପାଦିକା ଭାବେ ଆସାମା ବେଗମ୍, ସହ-ସମ୍ପାଦିକା ଫୁଲ ଜାନୀ, କୋଷାଧକ୍ଷ ଭାବେ ବିଦ୍ୟାବତୀ ବିଷୋୟୀ, ଉପଦେଷ୍ଟା ଭାବେ ଭୈରବସିଂ ମାଝୀ ଓ ଗ୍ରାମର ଭଦ୍ରବ୍ୟକ୍ତି ଇଶ୍ଵର ମାଝୀ ଓ ରାମସିଂ ମାଝୀ ପ୍ରମୁଖଙ୍କୁ ସର୍ବ ସମ୍ମତି କ୍ରମେ ମନୋନୀତ କରାଯାଇଥିଲା। ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
