ଡାବୁଗାଁ,୨୧/୧୧(ମ॰ନି॰ସ॰)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଜିଲା ଅନୁସୂଚିତ ଜାତି ଓ ଜନଜାତି ବିଭାଗ ଦ୍ଵାରା ପରିଚାଳିତ ଡାବୁଗାଁ ସରକାରୀ ବାଳିକା ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରୀମାନେ ଜିଲାସ୍ତରୀୟ ସର୍ଗିଫୁଲ ପ୍ରତିଯୋଗିତାରେ ଭାଗ ନେଇ ପୁରସ୍କୃତ ହୋଇ ପ୍ରଶଂସିତ ହୋଇଛନ୍ତି |
ବରିଷ୍ଠ ବିଭାଗରେ ତର୍କରେ ଅମିତା ଭତ୍ରା (୧ୟ) ବକୃତାରେ କରିସ୍ମା ଚ୍ଛତ୍ରିଆ (୧ୟ), ସୃଜନଶୀଳ ଲିଖନରେ ରୁନିତା ସାନ୍ତା (୧ୟ), କୁଇଜରେ ମିନତୀ ପୂଜାରୀ ଓ ହେମତା ଗଣ୍ଡ (୨ୟ), ଚିତ୍ରାଙ୍କନରେ ସସ୍ମିତା ଧୁରୁଆ (୧ମ), ଏକକ ନୃତ୍ୟରେ ଜସ୍ମିନ ସୁନା (୧ୟ), ଏକକ ଅଭିନୟରେ ବିମଳା ଭତ୍ରା (୨ମ), ଖୋଲା ସ୍ଲୋଗାନ ରେ ରୁନିତା ସାନ୍ତା (୨ୟ), ଦଳଗତ ନୃତ୍ୟରେ (୩ୟ) | ସେହିପରି କନିଷ୍ଠ ବର୍ଗରେ ତର୍କରେ ବିଜୁଳି ମାଝି (୧ମ) , ଏକକ ନୃତ୍ୟରେ ଶିଖାରାଣୀ ହରିଜନ (୨ୟ), ଏକକ ସଂଗୀତରେ ପୁଷ୍ପାଞ୍ଜଳି ଭତ୍ରା (୨ୟ), ବକୃତାରେ ଦିବ୍ୟଶ୍ରୀ ପୂଜାରୀ (୨ୟ) ସ୍ଥାନ ଅଧିକାର କରିଥିଲେ | 
ଏମାନଙ୍କ ମଧ୍ୟରେ ପ୍ରଥମ ସ୍ଥାନ ଅଧିକାର କରିଥିବା ଛାତ୍ରୀ ମାନେ ରାଜ୍ୟ ସ୍ତରୀୟ ସର୍ଗିଫୁଲ ପ୍ରତିଯୋଗିତାରେ ଭାଗନେବେ | ଛାତ୍ରୀ ମାନଙ୍କ ସଫଳତାରେ ଶିକ୍ଷୟତ୍ରୀ ଶିକ୍ଷକ, ଅଭିଭାବକ ଓ ବିଦ୍ୟାଳୟର ପରିଚାଳନା କମିଟି ସଭ୍ୟମାନେ, ଜିଲା ମଙ୍ଗଳ ଅଧିକାରୀ ସ୍ମୃତି ରଞ୍ଜନ ସାମସ୍ତରାୟ, ବ୍ଲକ ମଙ୍ଗଳ ସଂମ୍ପ୍ରସାରଣ ଅଧିକାରୀ ପ୍ରିୟଚାନ୍ଦ ମଲ୍ଲିକ ଓ ପ୍ରଧାନ ଶିକ୍ଷକ ସୁକାନ୍ତ କୁମାର ସ୍ଵାଇଁ ଛାତ୍ରୀ ମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ଉତ୍ତୋରତ୍ତର ଉନ୍ନତି କାମନା କରିଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
