ଜଗନ୍ନାଥ ଜଣାଣ
ଶ୍ରୀ ବିଦ୍ୟାଧର ମହାନ୍ତ ତମ୍ଵାହରା
ମନରେ!
ଚିହ୍ନି ପାରିଲେ ତୁ ଜଗା ଉଆସ
ଦେଖିତୁ ପାରିବୁ ନିତ୍ଯ ରାହାସ |୦|
କି ସୁନ୍ଦର ଆହା ଲୀଳା ଲାଗିଛି
କନକ ବେଦିରେ ଜଗା ବସିଛି
ଘଣ୍ଟ ହୁଳହୁଳି ନାଦ ଶୁଭୁଛି
ସେନାଦେ ଭକତ ଛାତି କମ୍ପୁଛି
କଳା ଦେହେ ହୁଏ ଜ୍ୟୋତି ପ୍ରକାଶ
ମନରେ! ଚିହ୍ନିପାରିଲେତୁଜଗାଉଆସ|୧|
ପତିତ ପାବନ ବାନା ଉଡୁଛି
ପତିତଙ୍କୁ ଆସ ଆସ ଡାକୁଛି
ନାଲିଆ ଅଧରେ ଜଗା ହସୁଛି
ସେ ହସେ ପତିତ ଜନ ରସୁଛି
ଚାଲ ଯିବା ମନ କାଳିଆ ପାସ
ମନରେ!
ଚିହ୍ନି ପାରିଲେ ତୁ ଜଗା ଉଆସ|୨|
ତା ପାଖରେ କ୍ଷିର ସାଗର ଖେଳୁଛି
ହଂସ ହଂସୀ ତହିଁ ନିତ୍ଯ ବୁଲୁଛି
ସେହି ହଂସ ଯେବେ ଥରେ ଋଷୁଛି
ଜଗା ଯିବ ସୁନା ଘର ମୂରୁଛି
ଧରି ନପାରିଲେ ହୋଇବୁ ନାଶ
ମନରେ!
ଚିହ୍ନି ପାରିଲେ ତୁ ଜଗା ଉଆସ
ଦେଖି ତୁ ପାରିବୁ ନିତ୍ୟ ରାହାସ
ଜିଲ୍ଲା କେନ୍ଦୁଝର
