ବାଲେଶ୍ଵର,୨୫/୧୧/୨୨- ଆଞ୍ଚଳିକ ବ୍ରାହ୍ମଣ ସମିତି, ଖଇରା, ବାଲେଶ୍ଵର ତରଫରୁ ଏକ ବୈଠକ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକ ବାଲେଶ୍ଵର ଜିଲ୍ଲା ଖଇରା ବ୍ଲକ ଝିଙ୍କିରିଆ ପଞ୍ଚାୟତ ସଭାଗୃହ ପରିସରରେ ଅନୁଷ୍ଠିତ ହୋଇଥିଲା । ଏଥିରେ ବିଭିନ୍ନ ପଞ୍ଚାୟତରୁ ପଣ୍ଡିତ ମାନେ ଯୋଗ ଦେଇଥିଲେ । ସମସ୍ତଙ୍କ ଉପସ୍ଥିତିରେ ଝିଙ୍କିରିଆ ପଞ୍ଚାୟତ ପାଇଁ ଏକ କମିଟି ହୋଇଥିଲା । ସଭାପତି ପଣ୍ଡିତ ଗୌର ଚନ୍ଦ୍ର ପାଠୀଙ୍କ ସଭାପତିତ୍ୱରେ ଉପସ୍ଥିତ ପଣ୍ଡିତ ମାନଙ୍କ ମଧ୍ୟରୁ ଝିଙ୍କିରିଆ ପଞ୍ଚାୟତ ପାଇଁ ବିଭିନ୍ନ ପଦବୀ ନିମନ୍ତେ କର୍ମକର୍ତ୍ତା ଚୟନ କରାଯାଇଥିଲା । ବୈଠକ ଆରମ୍ଭ ପୂର୍ବରୁ ସମ୍ପାଦକ ରମାକାନ୍ତ ଶତପଥୀ ବୈଠକର ଉଦ୍ଦେଶ୍ୟ ଓ କାର୍ଯ୍ୟଧାରା ଉପରେ ସୂଚନା ଦେଇଥିଲେ । ପଣ୍ଡିତ ନିର୍ମଳ କୁମାର ପଣ୍ଡା ସ୍ବାଗତ ଭାଷଣ ଓ ଉପସ୍ଥିତ ପଣ୍ଡିତ ମାନଙ୍କର ପରିଚୟ ପ୍ରଦାନ କରିଥିଲେ । ସମସ୍ତଙ୍କ ସମ୍ମତି କ୍ରମେ ପଞ୍ଚାୟତ ପାଇଁ ସଭାପତି ପଣ୍ଡିତ ଗୋବିନ୍ଦ ଚନ୍ଦ୍ର ପଣ୍ଡା, ସମ୍ପାଦକ ପଣ୍ଡିତ କାର୍ତ୍ତିକେୟ ଉପାଧ୍ଯାୟ, ସହ-ସମ୍ପାଦକ ପଣ୍ଡିତ ଦୁର୍ଗା ଚରଣ ପଣ୍ଡା, କୋଷାଧ୍ୟକ୍ଷ ପଣ୍ଡିତ ନିର୍ମଳ କୁମାର ପଣ୍ଡା, ସମୀକ୍ଷକ ପଣ୍ଡିତ ବସନ୍ତ କୁମାର ପଣ୍ଡା ଓ କାର୍ଯ୍ୟକାରୀ ସଦସ୍ୟ ପଣ୍ଡିତ କମଳାକାନ୍ତ ପଣ୍ଡା ନିର୍ବାଚିତ ହୋଇଛନ୍ତି । ସମସ୍ତ ନୂତନ ପଦବୀ ଧାରୀଙ୍କୁ ପଣ୍ଡିତ ଗଗନ ବିହାରୀ ପଣ୍ଡା ସପଥ ପାଠ କରାଇଥିଲେ । ସରପଞ୍ଚ ନିତୁନିବେଦିତା ମାଝୀ ଉପସ୍ଥିତ ରହି ଉକ୍ତ କାର୍ଯ୍ୟକ୍ରମକୁ ଉତ୍ସାହିତ କରିଥିଲେ । ଶାନ୍ତିପାଠ ଓ ପଣ୍ଡିତ ନିର୍ମଳ କୁମାର ପଣ୍ଡାଙ୍କ ଧନ୍ୟବାଦ ପରେ ବୈଠକର ପରିସମାପ୍ତି ଘଟିଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
