ଜଣାଣ

ମାନଗୋବିନ୍ଦ ସ୍ବାଇଁ

ପ୍ରଭୁ ନାମ ମୋର ସବୁ କାମ ଶୁଭ

      ଦୃଶ୍ୟ ପଥ ମୋ ସଂପଦ

ଜପ କରି ଦେଲେ ସଂଗୀତ ଗାଇଲେ

        ଛାଡି ଯାଏ ମୋ ବିପଦ।

ସକାଳ ସମୟ ସକାଳ ପବନ

      ଦେହ ପାଇଁ ବଡ଼ ହିତ

ସ୍ନାନ କରି ଗଲେ ମନ୍ଦିର ଦର୍ଶନ

     ପ୍ରଭୁ ପଦ ମୋ ଅମୃତ।

ଚାହିଁ ଦେଲେ ପ୍ରଭୁ ମିଳେ ଯାଏ ସବୁ

    ଭକ୍ତିରେ ମୋର ଠାକୁର

ହାତ ଯୋଡ଼ି କରି ନମସ୍କାର କଲେ

    ଗଢ଼ା ପୂଜା ମୋ ଈଶ୍ୱର।

ତୁମକୁ ଛାଡ଼ିଲେ କିଛି ଦିଶେ ନାହିଁ

     ଦୃଶ୍ୟ ମୋର ଅନ୍ଧକାର

ତୁମକୁ ଚିନ୍ତିଲେ ତୁମକୁ ଭାବିଲେ

       ପ୍ରଦାନ ଆଲୋକ ଧାର।

ତୂଳସୀ ଧଣ୍ଡାର ପାଦୁକା ପାଇଲେ

      ମନ ହୁଏ ମୋର ଶୁଦ୍ଧ

ଭକ୍ତି ଚିନ୍ତା ଧାରା ମନ ମୋ ପବିତ୍ର

     ଦର୍ଶନେ ମୋ ମନ ବୋଧ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା