ଜଗନ୍ନାଥ ଜଣାଣ
ଶ୍ରୀ ବିଦ୍ୟାଧର ମହାନ୍ତ
ଆହେ ପ୍ରଭୂ ଜଗନ୍ନାଥ
ତୁମେ ଫୁଲ ହୋଇ ଫୁଟୁଛ ଗଛରେ
କରି କେତେ ରୂପ ଜାତ |୦|
ଫୁଲରେ ସାଜିଛ ନିଜେ ରୁପବାସ
ଫଳରେ ତୁମ୍ଭେ ଅମୃତ
ଯାହା ଦେଖୁଅଛି ଦୁନିଆଟା ସାରା
ସବୁତ ତୁମରି କୃତ |୧|
ନିଜେ ଫଳ ମଧ୍ୟେ ବୀଜ ରୁପେ ଥାଅ
ନିଜେ ଜନ୍ମ ଚାରା ହୋଇ
ଯେ ଯାଏ ମାଟିରେ ନପଡ଼ିଛ ପ୍ରଭୂ
ସୁଖେ ଥାଅ ଫଳେ ଶୋଇ |୨|
ମାଟିରେ ପଡ଼ିଲେ ପାଣି ପବନରୁ
ଶକ୍ତି ଆଣି ନିରନ୍ତର
ନାନା ଖାଦ୍ୟ ଦ୍ରବ୍ୟେ ବଢି ଜଗତରେ
ଦିଶ କେତେ ମନୋହର |୩
ନାନା ଶାଖା ପତ୍ରମେଲାଇ ଶାଖାରେ
ନିତି ତୁମେ ହସୁଥାଅ
କେତେ ଜାତି ମହୁ ମାଛି ପ୍ରଜାପତି
ଖେଳା ଲୀଳା ଭଲ ପାଅ |୪|
ଜାଣିଛିରେ ଜଗା ତୁମେ ଦାରୁ ବ୍ରହ୍ମ
ତୁମେ ସତ୍ୟ ସନାତନ
ବୋଲେ ବିଦ୍ୟାଧର ତେଣୁ ନିରନ୍ତର
କରେ ପଦେ ବନ୍ଦା ପନ |୫|
ତମ୍ବାହରା
ହରି ଚନ୍ଦନ ପୁର କେନ୍ଦୁଝର ଓଡ଼ିଶା
