ଆଗଚ୍ଛନ୍ତୁ ମହାମୟୀ ଲକ୍ଷ୍ମୀ
ରବୀନ୍ଦ୍ରକୁମାର ବେହେରା
ମାର୍ଗଶିର ଶୀତୁଆ ସକାଳ
ଲକ୍ଷ୍ମୀଦେବୀ ଆରାଧନା ପୁରେ,
ଅର୍ଚ୍ଚନା ର ପ୍ରବିଧି ସଂସ୍କାର
ଚଣ୍ଡାଳ ର ଆବାହିତ ଘରେ ।
ଶ୍ରୀୟା ପାଇଁ ଶ୍ରୀ ବରଦାନ
ଶ୍ରେଷ୍ଠ ଏକ ଓଡ଼ିଆ ସଂସ୍କାର,
ସୁସ୍ଥ ଏକ ସାମାଜିକ ଚିନ୍ତା
ଭ୍ରାତୃତ୍ୱର ଦିଗନ୍ତ ପ୍ରଚାର ।
ଜାତିହୀନ କରୁ ଶ୍ରୀ ମନ୍ଦିର
ନିରସ୍କାର କରୁ ଦେଢ଼ଶୂର,
ଜଗନ୍ନାଥ କରୁ ତ୍ୟଜ୍ୟ ପତ୍ନୀ
ନାରୀ ପାଇଁ ନାରୀ ବ୍ୟବହାର ।
ଓଡ଼ିଆଣୀ ଦେବୀ କମଳିନୀ
କାନ୍ଦେ ଜଣେ ପ୍ରପୀଡ଼ିତା ପାଇଁ
ଧନ ଆଉ ସୁବର୍ଣ୍ଣ ଅଜାଡି
ଗୋଗୋଷ୍ଠକୁ ଦେଲେ ଲକ୍ଷେ ଗାଈ ।
ଚାଣ୍ଡାଳି ର ଆଖ୍ୟା ପାଇ ଦେଵୀ
ଶ୍ରୀ ମନ୍ଦିର ତ୍ୟଜି ସେ ଶ୍ରୀମୟୀ,
ତ୍ୟକ୍ତଜଗା ଦେବ ବଳଭଦ୍ର
ତ୍ୟକ୍ତସୁଖ ଅମୃତ ମଣୋହୀ।
ନାରୀତ୍ୱର ତ୍ୟାଗ ଏଡ଼େ ଥିଲା
ସାମାଜିକ ବର୍ଣ୍ଣ ବୈଷମ୍ୟ ର !
ଆଗଚ୍ଛନ୍ତୁ ମହାମୟୀ ଲଷ୍ମୀ
ଜାତିହୀନ ପୂଜା ଉପହାର ।
ଶିଖରପୁର, କଟକ-୪
