ଏବେକାର ବୋହୂ ବାଣୀ
ତନ୍ମୟ କିଶୋର ଦାସ
ଆ’ ବସେଇବା ମାଣ
ମାର୍ଗଶିର ମାସ ଗୁରୁବାର ଆଜି
ପଢିକି ଲକ୍ଷ୍ମୀପୁରାଣ
କାଲି ଯାଇଥିଲେ ପାର୍ଟି
ଚିକେନ ମଟନ ମନବୋଧ କରି
ଖାଇଛେ କାନିକୁ ଛାଟି
କେତେ ଗୁରୁବାରେ ଶୋଇ
ଉଠିଲାବେଳକୁ ନ ଟା ଦଶଟା
ଆଜି ତ ଆସୁଛି ହାଇ
ଝୋଟି ସଜବାଜ ଘର
ସେଲ୍ଫି,ଟିକଟକ କରିକି ଛାଡିବା
ଲାଇକ ଦେବ ରୋଜଗାର
ବୁଲିବା ଲୋକଟି ଆମେ
ଏ ସବୁ ଅଡୁଆ ପର୍ବ ପରମ୍ପରା
ବୁଝୁନା କେମିତି ତମେ
ସ୍ୱାମୀ ବେହିଆ ଟା ହସେ
ମଡ଼ର୍ଣ୍ଣ ବୋହୂର ସଡ଼ର୍ଣ୍ଣ ଶବଦ
ପରାଣ କୁ କିନ୍ତୁ ବାଧେ
ମିଛ ଅଭିନୟ କରି
ତେଲିଆ କଥାରେ ବୋଉକୁ ତ କହେ
ଆଉ ନାହିଁ ଆଗ ପରି
ଏବେକାର ବୋହୂ ବାଣୀ
ଲକ୍ଷ୍ମୀପୁରାଣ ଠୁଁ ବେଶୀ ହିତକର
ବୁଢ଼ୀ,ମନେ ମନେ ହୁଏ ଗୁଣି
ପାଳେ ସେ ମଉନବ୍ରତ
ପୁଅବୋହୂ ଦୁହେଁ ମୁତୁରାମୁତୁରି
ନିଶ୍ଚେ, ହେଁଷ ଧୋଇବାଟା ଶତ
ନେମାଳ, କଟକ
