କୋକସରା,୦୧/୧୨- କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ମହୁଳମୁଣ୍ଡା ଗ୍ରାମରେ ଗତ ସୋମବାର ସନ୍ଧ୍ୟାରେ ସେହି ଗ୍ରାମର ଯୁବକ ଦୟାନିଧି ଦୁଣ୍ଡକିଆ (୫୨) ଙ୍କୁ ଗାଁ ପାଖ ଏକ ଧାନ ଖଳାରେ ନୃଶଂସ ଭାବେ ପଥରରେ ଛେଚି ହତ୍ୟା ଅଭିଯୋଗ ହୋଇଥିଲା । ଜମିବାଡି ବିବାଦକୁ ନେଇ ହତ୍ୟା କରିଥିବା ମୃତକ ଙ୍କ ପତ୍ନୀ ସାଧନୀ ଦୁଣ୍ଡକିଆ ପୋଲିସ ନିକଟରେ ଲିଖିତ ଅଭିଯୋଗ କରିଥିଲେ । ତାକୁ ଭିତ୍ତି କରି କୋକସରା ପୋଲିସ ଘଟଣାର ତଦନ୍ତ ଚଲାଇଥିଲେ । ମୃତକର ବଡବାପା ପୁଅ ରୂପଧର ଦୁଣ୍ଡକିଆ(୪୦) ଓ କାକା ପୁଅ ଦେବରାଜ ଦୁଣ୍ଡକିଆ(୫୦)କୁ ଗିରଫ କରି ପଚରାଉଚରା ଚଲାଇଥିଲେ । ସଂପୃକ୍ତ ୨ ଜଣ ହତ୍ୟା ଘଟଣାରେ ଅଭିଯୁକ୍ତ ପାଇ ସମସ୍ତ ତଥ୍ୟ ଆଧାରରେ ବୁଧବାର କୋର୍ଟ ଚାଲାଣ କରାଯାଇଛି । ଏନେଇ କୋକସରା ଥାନା କେଶ ନମ୍ବର ୨୯୬/୨୨ରେ ଏକ ହତ୍ୟା ମାମଲା ରୁଜୁ କରି ଧାରା ୩୦୨, ୩୪ ଆଇପିସିରେ ଦୁଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନେଇ ଥାନା ଅଧିକାରୀ ପ୍ରସନ୍ନ କୁମାର ବେହେରା ସୂଚନା ଦେଇଛନ୍ତି।
ମସିହା ନିଉଜ ସର୍ଭିସ୍