ଦାଦନ ସମସ୍ୟାକୁ ଦେଖିଲେ ରାଜ୍ୟ କେତେ ସମୃଦ୍ଧ ସହଜେ ଅନୁମେୟ । ବିଶେଷତଃ ଦାଦନ ମାମଲାରେ ସ୍ଥାନୀୟ ପ୍ରଶାସନ କିମ୍ଭା ଜିଲ୍ଲା ପ୍ରଶାସନକୁ ଦୋଷଲଦୀ ରାଜ୍ୟ ସରକାର ନିଜ ମୁଣ୍ଡରୁ ଦୋଷ ଛଡେଇ ନିଅନ୍ତି । ରାଜ୍ୟରେ କର୍ମନିଯୁକ୍ତି ପାଇଁ ଉତ୍ତମ ଭିତ୍ତିଭୂମିର ଅଭାବ । ଶିଳ୍ପାୟନ କ୍ଷେତ୍ରରେ ରାଜ୍ୟ ସମ୍ପୂର୍ଣ୍ଣ ଦୁର୍ବଳ । ତେଣୁ ଗ୍ରାମାଞ୍ଚଳର ଶିକ୍ଷିତ ବେକାର ଯୁବକ ମାନେ ଗାଁରେ କମ ମୂଲ୍ୟରେ ଏବଂ ଶ୍ରମିକ ଭାବେ କାମ କରିବା ଲଜ୍ୟାରେ ବାଧ୍ୟ ହୋଇ ଅନ୍ୟ ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି । ପୁନର୍ବାର ଏପରି ଏକ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି । ଗାଁକୁ ଫେରିଛି ଜଣେ ଦାଦନ ଶ୍ରମିକ ଙ୍କ ଶବ । କାନ୍ଦ ବୋବାଳି ରେ ଫାଟି ପଡୁଛି ଗାଁ ଦାଣ୍ଡ । କଳାହାଣ୍ଡି ଜିଲ୍ଲା କୋକସରା ବ୍ଲକ ସାନ ପୋଡ଼ାଗୁଡା ପଞ୍ଚାୟତ ନେଗିଗୁଡା ଗ୍ରାମ ର ଯୁବକ ସତ୍ୟ ସୁନା ଗତ ମାସେ ତଳେ ଘରର ଦୁର୍ବଳ ଆର୍ଥିକ ସ୍ଥିତି ଯୋଗୁଁ ବାପା, ମା ଙ୍କର ସାହାରା ହେବାକୁ ଦାଦନ ଖଟିବାକୁ ସିକିନ୍ଦରାବାଦ ନିକଟରେ ଥିବା ଇଟାଭାଟି ରେ ନିୟୋଜିତ ହୋଇଥିଲେ । ଦୁର୍ଭାଗ୍ୟ ଜନକ ଭାବେ ଭାଟିର ପାଉଁଶ ନିଆଁରେ ପଡି ଗୁରୁତର ହୋଇଥିଲେ ।ଚିକତ୍ସାଧିନ ଅବସ୍ଥାରେ ହସ୍ପିଟାଲରେ ତାଙ୍କ ମୃତ୍ୟୁ ହେବାପରେ ଇଟାଭାଟି ମାଲିକ ଏକ ଆମ୍ବୁଲାନ୍ସ ରେ ମୃତ ଯୁବକଙ୍କ ଶବକୁ ନିଜ ଗ୍ରାମକୁ ପଠାଇଦେଇଛି । ଗାଁ ମଶାଣିରେ ଯୁବକଙ୍କ ଶେଷକୃତ୍ୟ ସମ୍ପର୍ଣ୍ଣ ହୋଇଛି । ଏପରି ଗୋଟିଏ ପରେ ଗୋଟିଏ ଦାଦନ ଦୁଃଖ ନିରୀହ ଜନସାଧାରଣଙ୍କର ମେରୁଦଣ୍ଡକୁ ଭାଙ୍ଗିଦେଉଛି । ତଥାପି ସରକାର କୁମ୍ଭକର୍ଣ୍ଣ ନିଦରେ ଶୋଇବା ବୁଦ୍ଧିଜୀବୀ ମହଲରେ କ୍ଷୋଭ ପ୍ରକାଶ ପାଇଛି ।