ଧର୍ମଗଡ:୨୪/୧୨/୨୨: କଳାହାଣ୍ଡି ଜିଲ୍ଲାର ଜଣେ ସୁସଂଘଠକ, ସମାଜସେବୀ ତଥା ଜିଲ୍ଲା ଔଷଧ ବ୍ୟବସାୟୀ ସଙ୍ଘର ସମ୍ପାଦକ ଶ୍ରୀ ହୃଷିକେଶ ମିଶ୍ର ସର୍ବ ଭାରତୀୟ ଔଷଧ ବ୍ୟବସାୟୀ ସଙ୍ଘଠନ ର ଗୁରୁତ୍ୱପୂର୍ଣ୍ଣ କାର୍ଯ୍ୟକାରିଣୀ ସମିତି କୁ ଓଡ଼ିଶା ପ୍ରଦେଶରୁ ମନୋନୀତ ହୋଇଛନ୍ତି। ଓଡ଼ିଶାର ୨୧୦୦୦ କେମିଷ୍ଟ ଓ ଭାରତବର୍ଷରେ ଥିବା ୧୦ ଲକ୍ଷ ଔଷଧ ବ୍ୟବସାୟୀ ଙ୍କ ସର୍ବୋଚ୍ଚ ନୀତିନିର୍ଧାରଣ କମିଟି କୁ ଓଡ଼ିଶାର ରୁ କେବଳ ୮ ଜଣ ସଦସ୍ୟ ମନୋନୀତ ହୋଇଥାନ୍ତି। ସେ ମଧ୍ୟରୁ ହୃଷିକେଶ ମିଶ୍ର ଜଣେ।
ଏହା ବ୍ୟତୀତ ସେ ଉତ୍କଳ କେମିଷ୍ଟ ଏଣ୍ଡ ଡ୍ରଗିଷ୍ଟ ଏସୋସିଏସନ, ଭୁବନେଶ୍ୱର ର ସୂଚନା ପ୍ରଯୁକ୍ତିବିଦ୍ୟା ବିଭାଗର ଅଧ୍ୟକ୍ଷ ଦାୟିତ୍ବ ତୁଲାଇବେ। ନିକଟରେ ଔଷଧ ବ୍ୟବସାୟୀ ଓ ଗ୍ରାହକଙ୍କ ପାଇଁ ଏକ ଏପ ତିଆରିକରି ସେ ଚର୍ଚ୍ଚାର ପରିସରକୁ ଆସିଥିଲେ। ଶ୍ରୀ ମିଶ୍ର ଗୁରୁତ୍ୱପୂର୍ଣ୍ଣ ସଂବିଧାନ ସଂଶୋଧନ ବିଭାଗ, ବାଣିଜ୍ୟ ବେପାର ବିଭାଗ ଓ ଶିକ୍ଷା ଓ ସେମିନାର ବିଭାଗର ସଦସ୍ୟ ଭାବେ ମଧ୍ୟ ମନୋନୀତ ହୋଇଛନ୍ତି। ସେ ଦୀର୍ଘ ୨୫ ବର୍ଷ ଧରି କଳାହାଣ୍ଡି ଜିଲ୍ଲା କେମୀଷ୍ଟ ସଂଘ ର ସମ୍ପାଦକ ଭାବେ ଦାୟିତ୍ବ ତୁଲାଇ ଆସୁଛନ୍ତି। ଏହି ନୃତନ ଦାୟିତ୍ବ ପାଇଁ ସେ ୟୁସିଡ଼ିଏ ର ସଭାପତି ପି.ସତ୍ୟନାରାୟଣ ଓ ସାଧାରଣ ସମ୍ପାଦକ ପ୍ରଶାନ୍ତ ମହାପାତ୍ର ଙ୍କୁ କୃତଜ୍ଞତା ଜଣାଇଛନ୍ତି। ଶ୍ରୀ ମିଶ୍ର ଙ୍କୁ ସର୍ବଭାରତୀୟ ସ୍ତରରେ ଓଡ଼ିଶା କୁ ପ୍ରତିନିଧିତ୍ବ କରିବାକୁ ସୁଯୋଗ ମିଳି ଥିବାରୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
