ଡିଜିଟାଲ ଯୁଗର ଗାନ୍ଧୀ ଉଦ୍ୟାନ ଆସନ୍ତୁ ବୁଲିଯିବା..

ଦର୍ଶକବନ୍ଧୁ ଥରେ ମାତ୍ର ବୁଲି ଆସନ୍ତୁ ଏରସମା ବ୍ଲକ ଅଞ୍ଚଳକୁ ! ଜଗତସିଂହପୁର ଜିଲ୍ଲାର ଏରସମା ବ୍ଲକ ତଥା ତହସିଲ ଅଫିସ ସାମ୍ନାରେ ଅବସ୍ଥିତ ଏକ ଉଦ୍ୟାନ ! ଯାହାର ନାମକରଣ ଜାତିର ପିତା ମହାତ୍ମାଗାନ୍ଧୀ ଙ୍କ ନାମରେ ନାମିତ ” ଗାନ୍ଧୀ ଉଦ୍ୟାନ “! ଆପଣ ମାନେ ନଦେଖିଲେ ବିଶ୍ୱାସ କରିପାରିବେନି ଏହି ଉଦ୍ୟାନକୁ, କେତେ ସୁନ୍ଦର ପରିବେଶରେ ଥିଲେ ବି ସୌନ୍ଦର୍ଯ୍ୟ ବିହୀନ ହୋଇ ଅବହେଳିତ ଭାବେ ରହିଛି ! ଏହି ଉଦ୍ୟାନକୁ ଲାଗି ଯାତ୍ରୀ ବିଶ୍ରାମଗାର ଓ ପ୍ରବାଦପୁରୁଷ ବିଜୁ ପଟ୍ଟନାୟକ ଙ୍କ ଷ୍ଟାଚୁ ରହିଛି ! ଆଜିର ଦିନରେ 5T ସେବା ଯୋଗାଇ ଦିଆଯାଉଥିବା ବେଳେ, ତହସିଲ ସାମ୍ନା ବଜାର ଉପକଣ୍ଠରେ ଏହି ଉଦ୍ୟାନଟି ଏତେ ଅବହେଳିତ କାହିଁକି ? ସତରେ କଣ ଏରସମା ତହସିଲଦାରଙ୍କ ନଜର ଆଢୁଆଳରେ ରହିଯାଇଛି ଏହି ଉଦ୍ୟାନ ନା ଜାଣିଶୁଣି ତହସିଲଦାର ମହୋଦୟ ଗାନ୍ଧୀ ନାମକୁ ପସନ୍ଦ କରୁ ନଥିବାରୁ ଉଦ୍ୟାନର ନକ୍ସା କୁ କଦର୍ଥ କରିବାବୁ ଛାଡିଦେଇଛନ୍ତି ? ପ୍ରଶାସନର ଆଖି ସାମ୍ନାର ଅସଜଡ଼ା ବିଷୟ ଯେବେ ସଜାଡି ହେଉନି, ବ୍ଲକର ଅସଜଡ଼ା କାମ ସଜାଡି ହେଉଥିବ କିପରି ଏଇଥିରୁ ବାରି ହେଇପଡୁଛି ! ସରକାରୀ ସହାୟତା କଟିଯିବା ଭୟରେ ସାଧାରଣ ଲୋକଟିଏ ସବୁଦେଖି ନିରବ ! ପ୍ରତିବାଦ କରିବ କିଏ ? ମାନ୍ୟବର ଉଚ୍ଚାଧିକାରୀ ଟିକେ ଦୃଷ୍ଟି ଦେବାକୁ ସାଧାରଣରେ ଚର୍ଚ୍ଚା ହେଉଥିବା ଦେଖିବାକୁ ମିଳିଛି ! ଆମ ପ୍ରତିନିଧିଙ୍କୁ ନିବେଦନ କରି ସରକାରଙ୍କ ଦୃଷ୍ଟି ଆକର୍ଷଣ କରିବାକୁ ବୁଦ୍ଧିଜୀବୀ ମାନେ ଦାବୀ କରିଛନ୍ତି ! ଦେଖିବାକୁ ରହିଲା ଖବର ପ୍ରସାରଣ ପରେ ପ୍ରଶାସନ ଜାଗ୍ରତ ହେଉଛି ନା କୁମ୍ଭକର୍ଣ୍ଣ ନିଦ୍ରାରେ ସୋଇ ଯାଉଛି !