l l କଳା ମାଣିକ l l
ବିଜୟ କୁମାର ଜେନା
ସଜାଇ ଦିଅନ୍ତି ମୟୂର ଚନ୍ଦ୍ରିକା
ବାନ୍ଧି ଦିଅନ୍ତି ଯେ କେଶ
ଲଗାଇ ଚନ୍ଦନ ଗୋ ରଚନା ଟୀକା
ଅପୂର୍ବ କରନ୍ତି ବେଶ।
ଯେମିତିକାମାତା ଯଶୋଦା ରାଣୀ ତ
ସଜାଇ ଥିଲେ ଗୋପରେ
ଝୁମୁରୁ ଝୁମୂରୁ ତୋ ଚାଲିରେ ମୋର
ନୟନ ଥିବ ଲୟରେ।
ତୁମେ କୃଷ୍ଣ ପରା ଦ୍ଵାପର ଯୁଗରେ
ଶ୍ରୀ ରାମ ତ ତ୍ରେତୟାରେ
କଳିଯୁଗେ ଏବେ ଶ୍ରୀକ୍ଷେତ୍ର ଧାମରେ
ଦୃଷ୍ଟି ଚକାଡୋଳା ପରେ।
ତୁମ ଚକା ଆଖି ଚାହିଁ ରହି ଥାନ୍ତି
ଅପଲକ ନୟନରେ
ଭାବେ ହୋଇ ଭୋଳା ବୋହି ଲୁହ ଧାର
ପଡୁଥାନ୍ତା ଚରଣରେ।
ଆପଣାର ବୋଲି ଜୀବନେ ମଣଇ
ରଖିଛି ଅତୁଟ ଆଶ୍ରା
ତୁମ ନାମ ଧରି ସଂସାର ବାରିଧି
ପାରି ହେବାକୁ ଭରସା।
ଅବସର ପ୍ରାପ୍ତ ପ୍ରାଧ୍ୟାପକ
ଶାମୁକା ସାହି ରଣପୁର ନୟାଗଡ଼
