l l l ନିଶା l l l
ଶ୍ଯାମା ପ୍ରସାଦ୍ ବୋଷ୍
ନିଶାରେ ନିଶା ର ପ୍ରକାର ଭେଦ ର
ଭିନ୍ନତା ରହିଛି ଯେତେ
ନିଶା ଆଧାରରେ ବିଭିନ୍ନ କ୍ଷେତ୍ରରେ
ନିଶା ରହିଅଛି କେତେ ।
କିଏ ନିଶା କରେ ମାଦକ ଦ୍ରବ୍ୟର
ନିଶା ରେ ତା ଦିନ ବିତେ
କିଏ ନିଶା କରେ ଅର୍ଥ ରୋଜଗାରେ
ଯେତେ ପାଏ ବଢେ ସେତେ ।
ପ୍ରେମ ନିଶା ପୁଣି କାହାକୁ ଘାରଇ
ପ୍ରେମରେ ପାଗଳ ସତେ
ପ୍ରେମ ପାଇବାର ନିଶାରେ ଡୁବି ସେ
କୁ ପଥେ ପସ୍ତାଏ ଗତେ ।
ପଠନ ନିଶାଟି ଯାହାର ବଢଇ
ବିଦ୍ଯା ଅରଜନ ସାଥେ
ଅଧିକ ରୁ ପୁଣି ଅଧିକ ଜ୍ଞାନ କୁ
କରଇ ନିଜ ଆୟତ୍ତେ ।
ଚାଷିର ନିଶା ଟି ଚାଷ କାର୍ଯ୍ୟେ ବଢେ
ଉତ୍ତମ ଫସଲ ପ୍ରାପ୍ତେ
ଦିନ ରାତି ତାକୁ ଜଣା ପଡେ ନାହିଁ
ଚାଷ ନିଶା ବଢେ ଯେତେ ।
ସମାଜ ସେବାରେ ନିଶା ଯାର ବଢେ
ସମାଜ ସେବୀ ର ବ୍ରତେ
ଆପଣା ଜୀବନ ଉତ୍ସର୍ଗ କରଇ
ସେବା ନିଶା ଘାରେ ଏତେ ।
ଭକତ ର ନିଶା ପ୍ରଭୁ ଭକତିରେ
ପ୍ରଭୁ ପ୍ରେମେ ଭାବ ମତେ
ଭକତି ମାର୍ଗ ରେ ତଲ୍ଲୀନ ବିଲ୍ଲୀନ
ଭଜନ କୀର୍ତ୍ତନେ ବିତେ ।
ରାଜନୀତିଆ ଙ୍କ ପଦବୀ ର ନିଶା
ମିଛ ପ୍ରତିଶୃତି ଯେତେ
ଅର୍ଥ ବାହୁବଳ କଳେ ବଳେ ଛଳେ
ହାସଲ କରନ୍ତି ଘତେ ।
ଖେଳ କସରତ ନିଶା ତ ବହୁତ
ଜିତିବା ର ନିଶା ଏତେ
ଖେଳ ର ନିଶା ରେ ବାରମ୍ବାର ହାରି
ଶେଷରେ ନିଶ୍ଚୟ ଜିତେ ।
ଚୋର ର ନିଶା ଟି ଚୋରି କରିବାରେ
ପର ଧନ ଲୁଟି କେତେ
ଆପଣା ଅମାର ଭରି ଚାଲିଥାଏ
ଚୋରି କରି ଧନ ଯେତେ ।
କବିର ନିଶା ଟି କବିତାରେ ଥାଏ
କବିତା ଲେଖଇ ଯେତେ
ଲେଖିବା ନିଶାରେ ଡୁବେ ଭାବନାରେ
ଶବ୍ଦ ନିଶା ଘାରେ ସେତେ ।
ନିଶାରେ ନିଶାରେ ଆପଣା ପେଷାରେ
ନିଶା ବଢି ଯାଏ ଏତେ
ନିଶା ନିବାରଣେ ସତ୍ ଉପଦେଶ
ନିଶାଖୋର ବୁଝେ କେତେ ?।
ଦୁଇ ଗୋଟି ମାର୍ଗେ ନିଶା ବଢୁଥାଏ
କୁ ପଥ ସୁ ପଥ ସତେ
କୁ ପଥ ର ନିଶା ନର୍କ ଗାମୀ କରେ
ସୁପଥେ ଧରମ ଯେତେ ।
ମାଦକ ଦ୍ରବ୍ୟ ର ନିଶା ଟି କୁକର୍ମ
କରାଇ ଥାଏ ଟି ଯେତେ
ହିତା ହିତ ଭୁଲି କୁକର୍ମ କରାଏ
ନିଶା ଛାଡିଗଲେ ଚେତେ ।
ନିଶା ତ ଅନେକ ପ୍ରକାର ରହିଛି
ନିଶା ର ଭିନ୍ନତା ଯେତେ
ନିଶା କଥା ଆଉ ଲେଖିଲେ ସରୁନି
ନିଶା ରହିଯାଏ କେତେ ।
ଲେଖିବା ନିଶାରେ ନିଶା ର ନିଶା କୁ
ନିଶାରେ ବଢାଏ ଯେତେ
ନିଶା ବଢି ବଢି ନିଶି ପାହିଯିବ
ନିଶା ସରିବକି ସତେ ? ।
ଶ୍ଯାମା ପ୍ରସାଦ୍ ବୋଷ୍
ବେଗୁନିଁଆ , ମଲ୍ଲୀକ୍ ସାହି
ପୋଷ୍ଟ :- ଗୋପ୍ , ଜିଲ୍ଲା :- ପୁରୀ
