ବିବିଧବେଣୁଧର ସୂତାର ଙ୍କ କବିତା l l ବୟସ ଯାଇଛି ହଜି by Sunil Chandra NayakDecember 28, 2022068 Share0 ବୟସ ଯାଇଛି ହଜି ବେଣୁଧର ସୂତାର ଗୋଧୂଳି ପଖଳା ଉଛୁଳା ସୁଷମା ମନୋରମ ଦୃଶ୍ୟ ରାଜି ଫୁଲରେ ଫୁଲରେ ମହକ ମାଧୁରୀ ଆଭା ଦିଶୁନାହିଁ ଆଜି ଜ୍ୟୋତ୍ସ୍ନରଜନୀରେ ରଜନୀଗନ୍ଧାଟି ହସୁନାହିଁ ପ୍ରେମେ ମଜ୍ଜି ବୟସ ଯାଇଛି ହଜି ।। ନୀଳସରସୀରେ ନୀଳୋତ୍ପଳ ଆଉ ଲୋଡୁନି ଅରୁଣ ପ୍ରୀତି ଚାରୁଚାନ୍ଦିନୀରେ କୁମୁଦ ହସୁନି ନିଶିଥ ସ୍ବପ୍ନରେ ମାତି ହସୁନାହିଁ ମନ କୁସୁମ ବାଟିକା ଗୋଧୂଳି ରଙ୍ଗରେ ଭିଜି ବୟସ ଯାଇଛି ହଜି ।। ସହକାର କୁଞ୍ଜେ ଗାଉନି କୋକିଳ ମିଠା ଫଗୁଣର ଗୀତି ହଜିତ ଗଲାଣି ପ୍ରୀତିର ସନନ୍ଦୁ ବୟସର ପ୍ରତିଶ୍ରୃତି ମରିଛି ମନର ନୀଳ ମାଦକତା ଆଉତ ପାଉନି ଖୋଜି ବୟସ ଯାଇଛି ହଜି ।। ଗୁନ୍ଥାହୋଇଅଛି କେତେଯେସ୍ବାକ୍ଷର ଅତୀତର ଅନ୍ତରାଳେ କେତେମିଠାମୋହ ସମାଧିନେଇଛି ଏମାଟି କବର ତଳେ ମଉଳି ଗଲାଣି ବୟସର ଫୁଲ ସମୟେ ଅଲୋଡା ଆଜି ବୟସ ଯାଇଛି ହଜି ।। ମୋହମାୟା ପୂର୍ଣ୍ଣ ତୁଛା ଏ ସପନ ଜଳୁଛି ହୃଦୟ ବନ ସମୟ ଚକ୍ରରେ ସାଜିଛି ଜୀବନ ଉଆଁସର ମଲାଜହ୍ନ ସଂସାର ହାଟର ପିଛିଳ ପଥରେ ହାରିଛି ଜୀବନ ବାଜି ବୟସ ଯାଇଛି ହଜି ।। କେଶଦୁରାପାଳ କେନ୍ଦୁଝର