“ଦୀର୍ଘସ୍ଥାୟୀ ବିକାଶ ପାଇଁ କ୍ଷେତ୍ର ଅଧିକାରୀ ଓ ବିଭିନ୍ନ ଜିଲ୍ଲା ସ୍ତରୀୟ ଅଧିକାରୀ ଙ୍କ ମଧ୍ୟରେ ସମନ୍ନ୍ବୟ ଅତ୍ୟନ୍ତ ଜରୁରୀ-ଜିଲ୍ଲାପାଳ”
ରାୟଗଡ:-ତା.୨୯/୧୨-ନିରନ୍ତର ବିକାଶ ଲକ୍ଷ୍ୟ ହାସଲ ପାଇଁ ଉପଯୁକ୍ତ ଯୋଜନା ଓ କାର୍ଯ୍ୟ ସୂଚୀ ଅନୁସାରେ କାର୍ଯ୍ୟ କରିବାକୁ ଯୋଜନା ଓ ସଂଯୋଜନା ବିଭାଗର ଅତିରିକ୍ତ ସଚିବ କୃଷ୍ଣ ମୋହନ ଖଟୋଇ ମତବ୍ୟକ୍ତ କରିଛନ୍ତି । ଜିଲ୍ଲା ପରିଷଦ ସମ୍ମିଳନୀ କକ୍ଷ ରେ ରାଜ୍ୟ ଯୋଜନା ଓ ସଂଯୋଜନା ବିଭାଗ ପକ୍ଷରୁ ଦୀର୍ଘ ସ୍ଥାୟୀ ବିକାଶ ଲକ୍ଷ୍ୟ ୨୦୩୦ ର ସଫଳ ରୂପାୟନ ନିମିତ ରାୟଗଡ଼ ଜିଲ୍ଲା କ୍ଷେତ୍ର ସ୍ତରୀୟ ଅଧିକାରୀଙ୍କୁ ନେଇ ୨ ଦିନିଆ କାର୍ମଶାଳା ଅନିଷ୍ଠିତ ହୋଇଥିଲା । ଏହାକୁ ଉଦ୍ଘାଟନ କରି ଅତିରିକ୍ତ ସଚିବ କୃଷ୍ଣ ମୋହନ ଖଟୋଇ ଜନସାଧାରଣ ପାଇଁ ଦୀର୍ଘ ସ୍ଥାୟୀ ଆର୍ଥିକ, ସାମାଜିକ ଓ ପରିବେଶ ବିକାଶ କୁ ସୁନିଷ୍କିତ କରିବା ପାଇଁ ମିଳିତ ଜାତିସଂଘ ୧୭ ଗୋଟି ପ୍ରମୁଖ ଦୀର୍ଘସ୍ଥାୟୀ ବିକାଶ ଲକ୍ଷ ଭାବେ ଚିହ୍ନଟ କରାଯାଇଛି । ଯୋଜନା ଓ ସଂଯୋଜନା ବିଭାଗର ଅତିରିକ୍ତ ସଚିବ ଶ୍ରୀଯୁକ୍ତ କୃଷ୍ଣ ମୋହନ ଖଟେଇ ଦୀର୍ଘସ୍ଥାୟୀ ବିକାଶ ଲକ୍ଷ ହାସଲ ପାଇଁ ସ୍ଥାନୀୟ ଅଞ୍ଚଳର ବିବିଧ ସମସ୍ଯା ଓ ଆବଶ୍ୟକତା କୁ ଅନୁଧ୍ୟାନ କରି ଆଶୁ ସମାଧାନ ଦିଗରେ ପଦକ୍ଷେପ ନେବା ସହ ଯୋଜନା କୁ ତୃଣମୂଳ ସ୍ତରର ଲୋକଙ୍କ ପାଖରେ ପହଞ୍ଚାଇବା ଉପରେ ଗୁରୁତ୍ଵ ଦେଇଥିଲେ । ପୂର୍ବରୁ ୨୭ ଟି ଜିଲ୍ଲାରେ ଏହି ପ୍ରଶିକ୍ଷଣ ଶିବିର ସରିଥିବା ବେଳେ ରାୟଗଡ଼ ଜିଲ୍ଲାରେ ମଧ୍ୟ ଆରମ୍ଭ ହୋଇଯାଇଅଛି । ଜିଲ୍ଲାପାଳ ସ୍ଵଧା ଦେବ ସିଂ ଦୀର୍ଘସ୍ଥାୟୀ ବିକାଶ ପାଇଁ କ୍ଷେତ୍ର ଅଧିକାରୀ ଓ ବିଭିନ୍ନ ଜିଲ୍ଲା ସ୍ତରୀୟ ଅଧିକାରୀ ଙ୍କ ମଧ୍ୟରେ ସମନ୍ନ୍ବୟ ଓ ପ୍ରତିବଦ୍ଧତା ଅତ୍ୟନ୍ତ ଜରୁରୀ ବୋଲି କହିବା ସହ ସ୍ଥାନୀୟ ଲୋକଙ୍କ ଆବଶ୍ୟକତା, ସ୍ଥାନୀୟ ସମ୍ବଳର ଉପଯୋଗ କରିବା ଉପରେ ଗୁରୁତ୍ଵ ଦେଇଥିଲେ ।
ଭିଡିଓ କନଫାରେନ୍ସ ମାଧ୍ୟମରେ ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ସଚିବ ପ୍ରଦୀପ କୁମାର ଜେନା ଦୀର୍ଘସ୍ଥାୟୀ ବିକାଶ ଲକ୍ଷ ସମ୍ପର୍କରେ ବାର୍ତ୍ତା ଦେଇଥିଲେ । ରାୟଗଡ଼ ଜିଲ୍ଲାର ଦୀର୍ଘସ୍ଥାୟୀ ବିକାଶ ପରିଷଦ ର ନୋଡାଲ ଅଫିସର ତଥା ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ, ମୁଖ୍ୟ ଉନ୍ନୟନ ଅଧିକାରୀ ଓ କାର୍ଯ୍ୟ ନିର୍ବାହୀ ଅଧିକାରୀ ରବି ନାରାୟଣ ତ୍ରିପାଠୀ ଓ ରାୟଗଡ଼ ଯୋଜନା ଓ ସଂଯୋଜନା କାର୍ଯ୍ୟ।ଳୟର ସହାୟକ ନିର୍ଦେଶିକା ଜୟନ୍ତୀ ମାଳା ନାୟକ କାର୍ଯ୍ୟ କ୍ରମର ଲକ୍ଷ, ଉଦେଶ୍ୟ ଓ ଆଭିମୁଖ୍ଯ ସମ୍ପର୍କରେ ଆଲୋକପାତ କରିଥିଲେ। ଏଥିରେ ବିଷୟ ବିଶାରଦ ଭାବେ ଡାଃ ଉପାସନା ମହାପାତ୍ର, ସୁନ୍ଦର ନାରାୟଣ ମିଶ୍ର, ଭାସ୍କର ବୋରାହ, କାଭ୍ୟା ରାଓ ପ୍ରମୁଖ ପ୍ରଶିକ୍ଷଣ ପ୍ରଦାନ କରିଥିଲେ। ୨ ୟ ଦିବସରେ ରାୟଗଡ଼ ସଦର ବ୍ଲକ ପିତାମହଲ ପଞ୍ଚାୟତ ଓ କୋଲନରା ବ୍ଲକ ର ଖେଦାପଡା କ୍ଷେତ୍ରକୁ ପ୍ରଶିକ୍ଷାର୍ଥୀ ମାନେ ପରିଦର୍ଶନ କରିବେ ବୋଲି ଜଣା ଯାଇଛି ।