ଡାବୁଗାଁ, ୩୦/୧୨ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବନାଞ୍ଚଳର ମଇଦଲପୁର ସେକସନ ଅଧୀନ କେନ୍ଦୁଗୁଡା ଗ୍ରାମରେ ଡାବୁଗାଁ ବନ ବିଭାଗ ତରଫରୁ ଏସଏଚଜି ମହିଳା ମାନଙ୍କୁ ତାଲିମ ପ୍ରମାଣପତ୍ର ବଣ୍ଟନ ଓ ଜଙ୍ଗଲରେ ନିଆଁ ନଲଗାଇବା ପାଇଁ ଏକ ସଚେତନତା ସଭା ଶୁକ୍ରବାର ଅନୁଷ୍ଠିତ ହୋଇଯାଇଛି | ପ୍ରଥମେ ଅତିଥି ମାନେ ପ୍ରଦୀପ ପ୍ରଜ୍ଵଳନ କରି ସଭା କାର୍ଯ୍ୟ ଆରମ୍ଭ କରଯାଇଥିଲା | ଏଥିରେ ମୁଖ୍ୟ ଅତିଥି ଭାବେ ଡାବୁଗାଁ ବିଧାୟକ ତଥା ଜିଲା ଯୋଜନା ବୋର୍ଡ ଅଧ୍ୟକ୍ଷ ମନୋହର ରନ୍ଧାରୀ ଯୋଗ ଦେଇ ଏସଏଚଜି ମହିଳା ମାନଙ୍କ ପାଇଁ ସରକାରଙ୍କ ବିଭିନ୍ନ ଯୋଜନା ଗୁଡିକ ଉପରେ ଆଲୋକପାତ କରିଥିଲେ | ସମ୍ମାନୀତ ଅତିଥି ଭାବେ ନବରଙ୍ଗପୁର ଜିଲା ପରିଷଦ ଅଧ୍ୟକ୍ଷ ମୋତିରାମ ନାୟକ ଯୋଗ ଦେଇ ଜଙ୍ଗଲ ସୁରକ୍ଷା, ମହିଳା ମାନଙ୍କ ଉନ୍ନତି ଉପରେ କହିଥିଲେ | ପାପଡାହାଣ୍ଡି ଜିଲା ପରିଷଦ ସଭ୍ୟା ଲିପିକା ମାଝି ଯୋଗ ଦେଇ ସଚେତନତା ସହ ସ୍ଵାବଲମ୍ବୀ ହୋଇ ରୋଜଗାର ବୃଦ୍ଧି ଉପରେ ବାର୍ତ୍ତା ଦେଇଥିଲେ |ଏସଏଚଜି ମାଧ୍ୟମରେ ଏହାର ଲକ୍ଷ୍ୟ ଧାର୍ଯ୍ୟ ପୂରଣ କରିବା | ମହିଳା ମନ ଆର୍ଥିକ ଓ ସାମାଜିକ କ୍ଷେତ୍ରରେ ବିକଶିତ ହୋଇ ପରିବାର, ଅଞ୍ଚଳ ଓ ଦେଶର ବିକାଶ ହେବ | ଗ୍ରାମ୍ୟ ବିକାଶ ସଂଗଠନ ସଭାପତି ଇଶ୍ଵର ସାବତ ଯୋଗ ଦେଇ ପରିବର୍ତ୍ତନର ବାର୍ତ୍ତା ପହଞ୍ଚିଛି | ମହିଳା ମାନେ ଆଗକୁ ଆସି ବସିବାର ସୁଯୋଗ ମିଳିଛି | ମିସନ ଶକ୍ତି ଏକ ଅଭିଯାନ, ସରକାର ଆମକୁ ସମ୍ମାନ ଦେଇଆସୁଛନ୍ତି | ଜଙ୍ଗଲକୁ ଉନ୍ନତି କରିବା ପାଇଁ ବନ ସୁରକ୍ଷା ସମିତି ଗଠିତ ଏଥିରେ ୫୦ ପ୍ରତିଶତ ମହିଳା ଓ ୫୦ ପ୍ରତିଶତ ପୁରୁଷ ରହିଛନ୍ତି | ଏମାନେ ଉଜୁଡା ଜଙ୍ଗଲର ପୁନଃ ଉଦ୍ଧାର ସହ ବନବାସୀଙ୍କ ଉନ୍ନତି | ତାଲିମ ର ସଦୁପଯୋଗ କରିବାକୁ ପଡିବ | ପ୍ରଥମେ କଷ୍ଟ ହେବ ପରେ ସେହି କଷ୍ଟ ରୋଜଗାରର ମାଧ୍ୟମ ହେବ ବୋଲି କହିଥିଲେ | ନବରଙ୍ଗପୁର ସହକାରୀ ବନ ସଂରକ୍ଷକ ଧନୁର୍ଜୟ ମହାପାତ୍ର ଯୋଗ ଦେଇ ସଭାରେ ବସିଥିବ ୯୦ ପ୍ରତିଶତ ମହିଳା, ମହିଳାଙ୍କୁ ନେଇ ସୁନ୍ଦର ସଭା କରାଯାଇ ପାରୁଛି | ମହିଳା ମାନଙ୍କ ଅନେକ ଦାୟିତ୍ଵ ରହିଛି ତଥାପି ପ୍ରତ୍ୟୋକ କାହାଣୀ ଓ ସଫଳତା ପଛରେ ମହିଳା ଓ ମାଆ ଙ୍କ ଭୂମିକା ଗୁରୁତ୍ୱପୂର୍ଣ୍ଣ | ମହିଳା ସହିଷ୍ଣୁ ଓ ସମାଜରେ ପରିବର୍ତ୍ତନ ଆସିଛି | ଆମ ଜଙ୍ଗଲ ଯୋଜନ ଓଡିଶା ସରକାରଙ୍କ ନିଜସ୍ୱ ଯୋଜନା| ଏହା ନବରଙ୍ଗପୁର ଜିଲାରେ ୬ ବର୍ଷ ହେବ କାର୍ଯ୍ୟ କରୁଛି | ପ୍ରତି ବର୍ଷ ଆମ ଜଙ୍ଗଲ ଯୋଜନାରେ ଜଙ୍ଗଲ ଅଭିବୃଦ୍ଧି ଓଜଙ୍ଗଲରେ ନିଆଁ ଲାଗିବାରୁ ସୁରକ୍ଷା ଦେବା, ଆର୍ଥିକ ଓ ସାମାଜିକ ଉନ୍ନତି ମହିଳା ମାନଙ୍କୁ ନେଇ ଏସଏଚଜି ଗଠିତ | ଉତ୍ତମ ଏସଏଚଜି ଓ ମହିଳା ମାନଙ୍କୁ ସହାୟତା ପ୍ରଦାନ ସହ ତାଲିମ ବ୍ୟବସ୍ଥା ଦିଆଯାଇଛି ବୋଲି କହିଥିଲେ | କେନ୍ଦୁଗୁଡା ବନ ସୁରକ୍ଷା ସମିତିର ୯ ଟି ଏସଏଚଜି କୁ ଆଚାର, ପାମ୍ପଡ ଓ ମସଲାଗୁଣ୍ଡ ତିଆରି କରିବା ନେଇ ତାଲିମ ଦିଆଯାଇଥିବା ବେଳେ ଲଦି ବନ ସୁରକ୍ଷା ସମିତି ର ୬ ଟି ଏସଏଚଜି କୁ ନର୍ସରୀ ଓ ଚାଷ ପଦ୍ଧତି ଉପରେ ତାଲିମ ଦିଆଯାଇଥିଲା | ଏହି ଅବସରରେ ମୁଖ୍ୟ ଅତିଥି ଙ୍କ ଦ୍ଵାରା ୬୯ ଜଣ ଏସଏଚଜି ମହିଳା ମାନଙ୍କୁ ପ୍ରମାଣପତ୍ର ପ୍ରଦାନ କରଯାଇଥିଲା | ଶ୍ରେଷ୍ଠ ବନ ସୁରକ୍ଷା ସମିତି ଭାବ କେନ୍ଦୁଗୁଡା ବନ ସୁରକ୍ଷା ସମିତିକୁ ବନ ବିଭାଗ ତରଫରୁ ଟ୍ରଫି ପ୍ରଦାନ କରଯାଇଥିଲା | ଏଥିରେ ମଇଦଲପୁର ସରପଞ୍ଚ ଚନ୍ଦ୍ରଧ୍ଵଜ ମାଝି, ଡାବୁଗାଁ ବନାଞ୍ଚଳ ଅଧିକାରୀ ସେତୁରଞ୍ଜନୀ ଗମାଙ୍ଗୋ, ଡାବୁଗାଁ ବନପାଳ ମଧୁସୂଦନ ପାତ୍ର, ମଇଦଲପୁର ବନପାଳ ଉମାକାନ୍ତ ପଟ୍ଟନାୟକ, ସମସ୍ତ ବନରକ୍ଷୀ , ବନ ସୁରକ୍ଷା ସମିତି କର୍ମକର୍ତ୍ତା ଓ ଏସଏଚଜି ମହିଳା ମାନେ ଉପସ୍ଥିତ ଥିଲେ |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ