ଦର୍ଶକବନ୍ଧୁ ଗୋଷ୍ଟୀ ସ୍ୱାସ୍ଥ୍ୟକେନ୍ଦ୍ରକୁ ଦୈନିକ ଶହଶହ ରୋଗୀ ଆସୁଥିବା ବେଳେ,ଡାକ୍ତରଙ୍କ ପରାମର୍ଶ କରିବାକୁ ଟିକେଟ ଘର ପାଖରେ ଧାଡି ବାନ୍ଧି ଟିକେଟଟିଏ କରିବାକୁ ପଡିଥାଏ ! ତାପରେ ଡାକ୍ତରଙ୍କ ସହିତ ସାକ୍ଷାତ କରି ବିଭିନ୍ନ ରୋଗର ଚିକିତ୍ସା ପାଇଁ ପରାମର୍ଶ କରାଯାଇ ଥାଏ ! ଭଲକରି ଦେଖନ୍ତୁ ପାଠକ ବନ୍ଧୁ, ଟିକେଟ ଘରେ ବସିଛନ୍ତି କିଏ ? ଜଣେ ସିକ୍ୟୁରିଟି ଗାର୍ଡ, ଟିକେଟ ଘରକୁ ଜଗି ନାହାନ୍ତି, ରୋଗୀଙ୍କ ପାଇଁ ଟିକେଟ କରୁଛନ୍ତି ! ଅବଶ୍ୟ ସେ ସ୍ଥାନରେ କେହି ବୋଧେ ନିଯୁକ୍ତି ହୋଇନାହାନ୍ତି ! ସିକ୍ୟୁରିଟି ଚଳାଉଛି କାମ ! ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଲକ ଅଧୀନରେ ମଣିଜଙ୍ଗା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ଅବସ୍ଥିତ ! ଯୋଉଠି ଆବଶ୍ୟକ ଅନୁସାରେ ଡାକ୍ତର, କମ୍ପାଉଣ୍ଡର, ନର୍ସ, ଓ ଅନ୍ୟାନ୍ୟ କର୍ମଚାରୀଙ୍କର ଅଭାବ ଏ ପର୍ଯ୍ୟନ୍ତ ଦୂର ହେଇ ପାରୁନି ! ଅନେକାଂଶରେ ଦେଖାଯାଏ ଯେ ବହୁତ ରୋଗୀ କଟକ ମେଡିକାଲକୁ ସ୍ଥାନାନ୍ତର ହୁଅନ୍ତି ! ହୁଏତ ଅଧା ବାଟରେ ସେମାନଙ୍କ ଜୀବନ ଯାଇଥିଲେ ବି ମେଡିକାଲର ଡାକ୍ତର ମୃତ ଘୋଷଣା କରିବା ପର୍ଯ୍ୟନ୍ତ ରୋଗୀର ସମ୍ପର୍କୀୟଙ୍କୁ ଅପେକ୍ଷା କରିବାକୁ ପଡିଥାଏ ! ତେବେ କଥା ଉଠୁଛି ରାଜ୍ୟରେ ମେଡିକାଲ କର୍ମଚାରୀଙ୍କର ଅଭାବ ରହିଛି ନା ନିଯୁକ୍ତିରେ ଢିଲା କାମ କରାଯାଉଛି ! ସ୍ୱାସ୍ଥ୍ୟ ହିଁ ସମ୍ପଦ ନାରା ଜୋରସେ ଚାଲିଥିବା ବେଳେ ସ୍ୱାସ୍ଥ୍ୟକେନ୍ଦ୍ରରେ କର୍ମଚାରୀଙ୍କ ଅଭାବ କଣ ପାଇଁ ? ଚର୍ଚ୍ଚା ହେଉଛି ଯେ ସିକ୍ୟୁରିଟି ଗାର୍ଡ ଯେବେ ପଞ୍ଜିକୃତ କର୍ମଚାରୀର ଡିଉଟି କରିବ, ତେବେ ସିକ୍ୟୁରିଟି କାମ କାହାର ? ପଞ୍ଜିକୃତ କର୍ମଚାରୀ ବିଭାଗରେ ଯେବେ ନିଯୁକ୍ତି ନାହିଁ ତେବେ ସେ ବିଭାଗଟି ରହିଛି କାହିଁକି ? ଦୟାକରି ଉପରିସ୍ଥ ଦାୟିତ୍ୱବାନ ବିଭାଗୀୟ ଅଧିକାରୀ ଏ ବିଷୟକୁ ଧ୍ୟାନ ଦେବାକୁ ସ୍ଥାନୀୟ ଜନସାଧାରଣ କ୍ୟାମେରା ସାମ୍ନାକୁ ନ ଆସି ଆପତ୍ତି କରିଛନ୍ତି ! ସରକାର ଓ 5T ସଚିବ ଶିକ୍ଷା ପରି ସ୍ୱାସ୍ଥ୍ୟକୁ ମଧ୍ୟ ଗୁରୁତ୍ୱ ଦେଉଛନ୍ତି ! କେବଳ ଯେ ଡାକ୍ତରଖାନା ଥିଲେ ହେବନି, ଆବଶ୍ୟକ କର୍ମଚାରୀ ଏବଂ ସମସ୍ତ ପ୍ରକାର ରୋଗର ନିରାକରଣ ପାଇଁ ଔଷଧ ମଧ୍ୟ ମହଜୁଦ ରହିଥିବା ଦରକାର ! କେହି ଦୀନ ଦରିଦ୍ର ଯେପରି ଚିକିତ୍ସା ଅଭାବରୁ ଜୀବନ ନ ହରାଏ ! କାରଣ ମଣିଜଙ୍ଗାରୁ କଟକର ଦୂରତା ପ୍ରାୟ 70 କିମିରୁ ଅଧିକ ! ଦେଖିବାକୁ ରହିଲା ଉକ୍ତ ଅଞ୍ଚଳରେ ଅନେକ ଟାଣୁଆ ରାଜନୈତିକ ନେତା ଓ ପ୍ରଶାସନିକ ଅଧିକାରୀ ଥିଲେ ବି ମଣିଜଙ୍ଗା ସ୍ୱାସ୍ଥ୍ୟକେନ୍ଦ୍ର ପ୍ରତି କି ପ୍ରକାର ପଦକ୍ଷେପ ନେଉଛନ୍ତି !