ମୟୂରଭଞ୍ଜ -୩/୧/୨୩(ମସିହା) ମୟୂରଭଞ୍ଜ ଜିଲ୍ଲାର ବାମନଘାଟୀ ଉପଖଣ୍ଡରେ ଚାରିଶବିଶଙ୍କ ପ୍ରାଦୁର୍ଭାଵ ଦିନକୁ ଦିନ ବୃଦ୍ଧି ପାଉଛି । ସୂଚନାଯୋଗ୍ୟ ଯେ ବାମନଘାଟୀ ଉପଖଣ୍ଡ ସିମାନ୍ତ ତିରିଂ ଥାନା ଅଂଚଳ ମାଙ୍କିଡିଘାଟୀରେ ସୋମବାର ରାତିରେ ପୋଲିସ ପେଟ୍ରୋଲିଂ କରୁଥିବା ସମୟରେ କୌଣସି ସୂତ୍ରରେ ଏକ ହୁଣ୍ଡାଇ କାରରେ ୩ ଜଣ ଠକ ସାଧାରଣ ଲୋକଙ୍କୁ ଟଙ୍କା ରଖିଲେ ୨/୩ ବର୍ଷରେ ଦୁଇଗଣିତ ହେବ, ହନୁମାନ ମୁଦ୍ରା ରଖିଲେ ବହୁ ଗୁଣରେ ବିକ୍ରି କରିପାରିବା ନେଇ ଭୁଆଁ ବୁଲାଇବା, ପ୍ରଭାବିତ ଓ ପ୍ରଲୋଭନ ଦେଖାଇ ଅର୍ଥ ଶୋଷଣ କରୁଥିବା ଖବର ପାଇ ଘଟଣାସ୍ଥଳରେ ପହଞ୍ଚି କାର ସହ ୩ ଜଣଙ୍କୁ ଅଟକ ରଖିଥିଲା । ସେମାନଙ୍କ ପାଖରୁ କାର୍,୫ଟି ପୁରୁଣା ତାମ୍ର ମୁଦ୍ରା ଏବଂ ୩ ଟି ମୋବାଇଲ ଜବତ କରିଥିଲେ । ତାଙ୍କ ମୋବାଇଲରୁ ପୋଲିସ ଜାଣିବାକୁ ପାଇଥିଲା ଏହି ୩ ଜଣ ଠକ ଲୋକଙ୍କୁ ପ୍ରଲୋଭିତ କରି ୫୦ ଲକ୍ଷରୁ ଉର୍ଦ୍ଧ୍ବ ଟଙ୍କା ଲୁଟ କରି ନେଇଛନ୍ତି । ସେହି ୩ ଜଣ ତିରିଂ ଥାନା ଅଂଚଳର ଜଟା ଗ୍ରାମର ଗୋବିନ୍ଦ ବିନ୍ଧାଣି(୫୮), ଦମାଡିହି ଗ୍ରାମର ପ୍ରତାପ ସିଂ(୪୫) ଏବଂ ନାରାୟଣି ଗ୍ରାମର ମଙ୍ଗଲ ଵାରି(୩୫) । କିଛି ଠକରେ ଶିକାର ହୋଇଥିବା ବ୍ୟକ୍ତି ତିରିଂ ଥାନାରେ ଲିଖିତ ଅଭିଯୋଗ କରିଛନ୍ତି ।ଏହାକୁ ନେଇ ରାଇରଙ୍ଗପୁର ଏସଡିପିଓଙ୍କ କାର୍ଯ୍ୟାଳୟ ପରିସରରେ ଏସଡିପିଓ ଶ୍ରୀ ଗୋକୁଳାନନ୍ଦ ସାହ ଏକ ସାମ୍ବାଦିକ ସମ୍ମିଳନୀରେ ୩ ଠକଙ୍କ କଳାକାରନାମା ଉପରେ ଅବଗତ କରାଇଥିଲେ । ପୋଲିସ ସେମାନଙ୍କ ନାମରେ ୨/୨୨ ଏବଂ ୩/୨୨ କେଶ ମାମଲା ରୁଜୁ କରି କୋର୍ଟ ଚାଲାଣ କରିବା ସହ ତଦନ୍ତ ଜାରି ରଖିଛନ୍ତି ବୋଲି ଏସିଡିପିଓ ଗଣମାଧ୍ୟମକୁ କହିଥିଲେ । ସାମ୍ବାଦିକ ସମ୍ମିଳନୀରେ ତିରିଂ ଥାନା ଅଧିକାରୀ ଶ୍ରୀ ଭାସ୍କର ନାଏକ, ଏବଂ ଅନ୍ୟ ପୋଲିସ କର୍ମଚାରୀ ଉପସ୍ଥିତ ଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
