ରାଉରକେଲା/ ଦକ୍ଷିଣ ପୂର୍ବ ରେଳବାଇ ଚକ୍ରଧରପୁର ଡିଭିଜନର ସହକାରୀ ବାଣିଜ୍ୟିକ ଅଧିକାରୀ ବିନିତ କୁମାର ରାଉରକେଲା ଗସ୍ତରେ ଆସି ରେଳ ଷ୍ଟେସନର ବିଭିନ୍ନ କାର୍ଯ୍ୟକୁ ତଦାରଖ କରିବା ସହ ସୌନ୍ଦର୍ଯ୍ୟ କରଣ ଓ ଅନ୍ୟାନ୍ୟ କାର୍ଯ୍ୟ ସଂପର୍କରେ ଆଲୋଚନା କରିଥିଲେ । ଆଗାମୀ ହକି ବିଶ୍ବକପକୁ ଦୃଷ୍ଟିରେ ରଖି ରେଳଷ୍ଟେସନକୁ ସଫାସୁତୁରା, ରାଉରକେଲା କୁ ଆସୁଥିବା ଟ୍ରେନ ଗୁଡିକରେ ଯାତ୍ରୀଙ୍କ ସୁବିଧା ପାଇଁ ଅଧିକ ବଗି ଯୋଡିବା, ଷ୍ଟେସନ ପରିସରରେ ଅସ୍ଥାୟୀ ଚିକିତ୍ସା ଶିବିର, ସୌନ୍ଦର୍ଯ୍ୟ କରଣ,ପାର୍କିଂ ସୁବିଧା ଓ ଅଟୋ ଚାଳକଙ୍କ ସମସ୍ୟା, ଅବୈଧ ଟିକେଟ ବିକ୍ରି କୁ ରୋକିବା ଓ ଅଣସ୍ବୀକୃତ ଭେଣ୍ଡିଂ କୁ ପ୍ରଶୟ ନଦେବା ନେଇ ସେ ଆଲୋଚନା କରିଥିଲେ । ଏଥିପାଇଁ ସେ ଜନସାଧାରଣଙ୍କ ସହଯୋଗ ମଧ୍ୟ ଲୋଡିଥିଲେ । ସେହିପରି ଦ୍ବିତୀୟ ପ୍ରବେଶ ପଥ ନିକଟରେ ଥିବା ଟିକେଟ୍ କାଉଣ୍ଟରକୁ ଶୀଘ୍ର ଖୋଲିବା ପାଇଁ ଚେଷ୍ଟା କରାଯାଉଛି ବୋଲି କହିଥିଲେ । ଏହି ଅବସରରେ ଅନ୍ୟମାନଙ୍କ ମଧ୍ୟରେ ଚନ୍ଦନ ମିଶ୍ର, ବନ୍ଧମୁଣ୍ଡାର ଏରିଆ ମ୍ୟାନେଜର ରାଜକିଶୋର ମହାନ୍ତି ଓ ରାଉରକେଲା ଷ୍ଟେସନର ମୁଖ୍ୟ ପ୍ରବନ୍ଧକ ପ୍ରଭାସ ଦାଶ ପ୍ରମୁଖ ଉପସ୍ଥିତ ଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
