ଶ୍ରୀକ୍ଷେତ୍ର ମଉଡମଣୀ
କଳା ଶ୍ରୀମୁଖ
ଶ୍ରୀକ୍ଷେତ୍ର ମଉଡମଣୀ ସେ କାଳିଆ
କଳା ଶ୍ରୀମୁଖରେ ତାର
ନାଲି ନାଲି ହସ ଭକ୍ତେ କରେ ବଶ
ଭକ୍ତ ତାର ଗଳା ହାର ।
କାଳିଆ ଠାକୁର ନାଲିଆ ଅଧର
ଚକାଡୋଳା ଚକା ଆଖି
ବଡ ଦେଉଳରେ ଭକତ ଭିଡରେ
ଦେଖି ଆଖି ଯାଏ ଲାଖି ।
ଜଗତ ଠାକୁର ଅଟେ ବିଶ୍ବାସର
ଜଗତ ମଙ୍ଗଳ ପାଇଁ
ବରଷକୁ ଥରେ ରଥଯାତ୍ରା କରେ
ଭକତେ ଆସନ୍ତି ଧାଇଁ ।
ଭାବର ଠାକୁର ଭାବଗ୍ରାହୀ ସିଏ
ଶ୍ରୀକ୍ଷେତ୍ର ମଉଡମଣୀ
ଚାରିଧାମେ ଶ୍ରେଷ୍ଠ ଅଟଇ ଶ୍ରୀକ୍ଷେତ୍ର
ଅଟଇ ପରଶ ମଣୀ ।
ଶ୍ରୀକ୍ଷେତ୍ର ପରଶେ ପାପ ତାପ ନାଶେ
ପତିତ ଉଦ୍ଧାର ପାଇଁ
ପତିତପାବନ ବାନା ଉଡାଉଛି
ଅଟେ ସେ ଜଗତ ସାଇଁ ।
ଜଗତର ନାଥ ପ୍ରଭୁ ଜଗନ୍ନାଥ
ଶ୍ରୀକ୍ଷେତ୍ର ମଉଡମଣୀ
ଶ୍ରୀକ୍ଷେତ୍ର ମାଟିକୁ ପବିତ୍ର କରିଛି
ନିଏ ଭକତ କୁ ଟାଣି ।
ଭକତ ତା ପ୍ରେମେ ବାଇଆ ହୁଅଇ
ଶ୍ରୀକ୍ଷେତ୍ର କୁ ଛୁଟି ଆସେ
ତା ବଡଦାଣ୍ଡ ରେ ଭକତ ଭିଡରେ
ତୁଳସୀ ଚନ୍ଦନ ବାସେ ।
ପୁରୀ ଶୀରିକ୍ଷେତ୍ର ମଉଡମଣୀ ସେ
ଜଗତ ମଉଡମଣୀ
କଳା ଶ୍ରୀମୁଖରେ ନାଲିଆ ହସରେ
ଜଗତ କୁ ନିଏ ଟାଣି ।
ଶ୍ଯାମା ପ୍ରସାଦ୍ ବୋଷ୍
ଗ୍ରାମ :- ବେଗୁନିଁଆ , ମଲ୍ଲୀକ୍ ସାହି
ପୋଷ୍ଟ :- ଗୋପ୍ , ଜିଲ୍ଲା :- ପୁରୀ
