ଡାବୁଗାଁ, ୧୩/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ ଜବାଗୁଡା – ବଡଓଲମା ମୁଖ୍ୟ ରାସ୍ତା କଡରେ ଥିବା ଅର୍ଦ୍ଧ ନିର୍ମିତ ଘର ମଧ୍ୟରୁ ଶୁକ୍ରବାର ସନ୍ଧ୍ୟାରେ ଏକ ଅଜଣା ବୃଦ୍ଧ ଙ୍କ ଶବ ଉଦ୍ଧାର ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ ଜବାଗୁଡା – ବଡଓଲମା ମୁଖ୍ୟ ରାସ୍ତା କଡରେ ଥିବା ଅର୍ଦ୍ଧ ନିର୍ମିତ ଘର ମଧ୍ୟରେ ଜଣେ ବୃଦ୍ଧ କିଛି ଦିନ ହେଲା ରହୁ ଆସୁଥିଲେ | ଆଜି ସନ୍ଧ୍ୟାରେ ବୃଦ୍ଧ ଜଣଙ୍କ ମରି ପଡିଥିବା କିଛି ଲୋକ ଦେଖି ଡାବୁଗାଁ ଥାନାକୁ ଖବର ଦେଇଥିଲେ | ଖବର ପାଇ ଡାବୁଗାଁ ଥାନା ଆଇଆଇସି ସୁନୀଲ କୁମାର ପ୍ରଧାନ ଓ ସବଇନିସ୍ପେକ୍ଟର ବିଜୁରାମ ବାଗ ଘଟଣାସ୍ଥଳରେ ପହଞ୍ଚି ଶବ ଜବତ କରି ପଞ୍ଚନାମା କରି ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କୁ ପଠାଇଥିଲେ | ମୃତ ବୃଦ୍ଧ ଙ୍କ ବୟସ ପ୍ରାୟ ୭୦ ବର୍ଷ ହେବ | ତାଙ୍କର ପରିଚୟ ମିଳିନାହିଁ | ବୃଦ୍ଧ ଙ୍କ ଶବ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ୩ ଦିନ ପର୍ଯ୍ୟନ୍ତ ସଂରକ୍ଷିତ ରଖାଯିବ ଓ ପରେ ଶବ ସତ୍କାର କରାଯିବ ବୋଲି ପୋଲିସ ସୂଚନା ଦେଇଛି | ଏନେଇ ଥାନା କେସ ନଂ ୨/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
