ମ.ରାମପୁର ,୧୮/୦୧( ମସୀହା) କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ଅନ୍ତର୍ଗତ ମୋହନଗିରୀ ଧବଳେଶ୍ୱର କ୍ରୀଡା ଓ ସାଂସ୍କୃତିକ ଅନୁଷ୍ଠାନ ଦ୍ଵାରା ରାଜ୍ୟସ୍ତରୀୟ କ୍ରିକେଟ ଟୁର୍ଣ୍ଣlମେଣ୍ଟ ଚାଲି ଥିବାବେଳେ ଆଜି ଚତୁର୍ଥ ଦିନ ରେ ପ୍ରଥମ ସେମିଫାଇନାଲ ମ୍ୟାଚ ବଲାଙ୍ଗିର ଓ କଳାହାଣ୍ଡି ଦଳ ମଧ୍ୟରେ ଅନୁଷ୍ଠିତ ହୋଇଥିଲା l ବଲାଙ୍ଗିର ଦଳ ଟସ୍ ଜିଣି ପ୍ରଥମେ ବ୍ୟାଟିଂ କରି ୧୬ ଓଭରରେ ୯ ୱିକେଟ୍ ହରାଇ ୨୬୬ ରନ କରିଥିଲେ l ଏହାର ଜବାବରେ କଳାହାଣ୍ଡି ଦଳ ୧୩.୫ ଓଭରରେ ସମସ୍ତ ୱିକେଟ୍ ହରାଇ ୧୯୪ ରନ କରିବାରେ ସକ୍ଷମ ହୋଇ ପାରିଥିଲେ l
ବଲାଙ୍ଗିର ଦଳର ମୁକେଶ ପଧାନ ମ୍ୟାନ୍ ଅଫ୍ ଦି ହୋଇଥିଲେ l ଏଥିରେ ମୁଖ୍ୟ ଅତିଥି ଭାବରେ ସମାଜ ସେବୀ ଅଭିରାମ ରଣା ଯୋଗଦେଇ ଆଜିର ମ୍ୟାଚ୍ କୁ ଶୁଭାରମ୍ଭ ର ସଂକେତ ଦେଇ ଖେଳାଳୀଙ୍କୁ ସାକ୍ଷାତ କରିଥିଲେ l ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବରେ ମୋହନଗିରି ପ୍ରାଥମିକ ସ୍ଵାସ୍ଥ୍ୟ କେନ୍ଦ୍ରର ଡାକ୍ତର ସ୍ମୃତିରଞ୍ଜନ ପରିମାଣିକ, କନ୍ଧମାଳ ଜିଲ୍ଲାର ବିଜେପି ସମ୍ପାଦକ ଦେବେନ୍ଦ୍ର କୁଡେଇ, ଅନୁଷ୍ଠାନ ର ସଭାପତି ଶୁକଦେବ ସାହୁ ,ସମ୍ପାଦକ ଲକ୍ଷ୍ମୀକାନ୍ତ ବେହେରା ପ୍ରମୁଖ ଉପସ୍ଥିତ ରହିଥିଲେ l 
ଏହି ମ୍ୟାଚ୍ କୁ ଆମ୍ପ୍ୟାୟର ଭାବରେ ରାଧାକାନ୍ତ ବେହେରା, ଧୀରେନ୍ଦ୍ର ବିଶ୍ୱାଳ ଓ ଜୁବୀନ ଲହଜଲ୍ ପରିଚାଳନା କରିଥିବାବେଳେ ସତ୍ୟନାରାୟଣ ମହାପାତ୍ର,ଶଙ୍କର ସାହୁ ଧାରା ବିବରଣୀ ପ୍ରଦାନ କରିଥିଲେ l ସୁନିଲ କୁମାର ଭୋଇ, ଟୁକୁ ମହାନନ୍ଦ ସ୍କୋରର ଦାୟିତ୍ୱରେ ରହିଥିଲେ l ଏହି କାର୍ଯ୍ୟକ୍ରମରେ ସନ୍ତୋଷ ପାତ୍ର,ଭୀଷ୍ମ ମଲ୍ଲିକ, ଚନ୍ଦ୍ରକାନ୍ତ ମାଝୀ,କୁଞ୍ଜ ପ୍ରଧାନୀ, ଦଇତାରୀ ମାଝୀ,ବାପି ସା, ଉତେଶ ଧାରୁଆ, ଶ୍ରୀମନ୍ତ ଧାରୁଆ, ମହଙ୍ଗ ଭୋଇ ପ୍ରମୁଖ ସହଯୋଗ କରିଥିଲେ l ଆସନ୍ତା ୨୦ ତାରିଖରେ ସମ୍ବଲପୁର ଓ ଜଗଦଲପୁର ଦଳ ମଧ୍ୟରେ ମ୍ୟାଚ୍ ହେବ ବୋଲି କମିଟି କର୍ମକର୍ତ୍ତା ସୂଚନା ଦେଇଛନ୍ତି l
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
