କୋଣାର୍କ ସ୍ପିନିଙ୍ଗ୍ ମିଲ ଓ ଜିନିଙ୍ଗ୍ ମିଲର ପୁନଃଉଦ୍ଧାର ପାଇଁ ସାଇନିଙ୍ଗ୍ କଳାହାଣ୍ଡିର ଅଧ୍ୟକ୍ଷ ଡ଼.ଭବାନୀ ଶଙ୍କର ନିଆଲଙ୍କ ଦ୍ୱାରା ଆଜି ଜିଲ୍ଲାପାଳ ପି. ଅନ୍ଵେଷା ରେଡ୍ଡୀଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ ଓଡିଶା ସରକାର ଶ୍ରୀଯୁକ୍ତ ନବୀନ ପଟ୍ଟନାୟକଙ୍କୁ ସ୍ମାରକ ପତ୍ର ଦିଆଯାଇଛି । ଆଉ ଏହାର ପ୍ରତିଲିପି ଜିଲ୍ଲାର ମାନ୍ୟବର ସାଂସଦ ଓ ବିଧାୟକ, ମୁଖ୍ୟ ଶାସନ ସଚିବ,କୃଷି ଓ ବୟନଶିଳ୍ପ ପ୍ରମୁଖ ଶାସନ ସଚିବଙ୍କୁ ଦିଆଯାଇଛି । ସୂଚନା ଯୋଗ୍ୟ ଯେ, କୋଣାର୍କ ସ୍ପିନିଙ୍ଗ୍ ମିଳ ଯାହା ଓଡିଶାରେ ଏପରି ଏକ ସ୍ପିନିଙ୍ଗ୍ ମିଲ ଯଦିଓ ଓଡିଶାର ୬ ଗୋଟି ସ୍ପିନିଙ୍ଗ ମିଲ ବନ୍ଦହେବା ସ୍ଥଳେ କେସିଙ୍ଗା ସ୍ଥିତ ସ୍ପିନିଙ୍ଗ୍ ମିଲ ଓ ଜିନିଙ୍ଗ୍ ମିଲ ବର୍ତ୍ତମାନ କାର୍ଯ୍ୟକାରୀ ଅବସ୍ଥାରେ ଅଛି କିନ୍ତୁ ଏହାର ପୁନଃଉଦ୍ଧାର ଅତ୍ୟନ୍ତ ଆବଶ୍ୟକତା ପଡୁଛି । 
ଗତ ଜିଲ୍ଲାପାଳ ଜିନିଙ୍ଗ୍ ମିଲକୁ ଚଲେଇବା ପାଇଁ ପାଖାପାଖି ଡେଢକୋଟି ଆର୍ଥିକ ଅନୁଦାନ ଦେବାପାଇଁ ରାଜ୍ୟ ସରକାରଙ୍କୁ ନିବେଦନ ଜଣାଇଥିଲେ ଏବଂ ସ୍ପିନିଙ୍ଗ୍ ମିଳକୁ ଚାଲୁ କରିବାପାଇଁ ପାଖାପାଖି ୫୦ କୋଟି ଟଙ୍କାର ବ୍ୟୟବରାଦର ଆବଶ୍ୟକତା ରହୁଛି । ଯଦି ଏହି ଆର୍ଥିକ ଆବଣ୍ଟନ ସ୍ପିନିଙ୍ଗ୍ ମିଲ ଓ ଜିନିଙ୍ଗ୍ ମିଲ ପାଇଁ କରାଯାଏ ତାହେଲେ ନିଶ୍ଚିତ ଭାବରେ କଳାହାଣ୍ଡି, ନୂଆପଡା, ବଲାଙ୍ଗୀର, ରାୟଗଡା ଏବଂ ନବରଙ୍ଗପୁର ଜିଲ୍ଲାର ଚାଷୀ ଏଠି ଉପକୃତ ହେବା ସଙ୍ଗେ ସଙ୍ଗେ ବାର୍ଷିକ ୪୦ ହଜାର କର୍ମସଂସ୍ଥାନ ଯୋଗାଇବାରେ ସକ୍ଷମ ହେଇପାରିବ ଏହି ସ୍ପିନିଙ୍ଗ୍ ମିଲ ଓ ଜିନିଙ୍ଗ୍ ମିଲ । ଏଣୁ ରାଜ୍ୟସରକାରଙ୍କୁ ଏକ ସ୍ମାରକ ପତ୍ର ଜରିଆରେ ସାଇନିଙ୍ଗ୍ କଳାହାଣ୍ଡିର ଅଧ୍ୟକ୍ଷ ଡ଼. ଭବାନୀ ଶଙ୍କର ନିଆଲ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଜିଲ୍ଲାପାଳଙ୍କର ଜରିଆରେ ଏକ ସ୍ମାରକ ପତ୍ର ଦେଇ ନିବେଦନ ଜଣାଇଛନ୍ତି । ସୂଚନା ଯୋଗ୍ୟ ଯେ, ଏହି ବିଷୟ ଉପରେ ଗତ ୨୦୧୫ ରୁ ସାଇନିଙ୍ଗ୍ କଳାହାଣ୍ଡି ତରଫରୁ ଲଗାତାର ଭାବରେ ମାନ୍ୟବର ମୁଖ୍ୟମନ୍ତ୍ରୀ ତଥା ରାଜ୍ୟ ସରକାରଙ୍କର ଦୃଷ୍ଟି ଆକର୍ଷଣ କରାଯାଉଅଛି । ତଥା ବିଭିନ୍ନ ଜନସଂଗଠନ,ରାଜନୀତି ସଂଗଠନ ଏବଂ ସାମାଜିକ ସଂଗଠନ ମାନେ ଏହା ଉପରେ ରାଜ୍ୟ ସରକାରଙ୍କୁ ବହୁ ଆଗରୁ ଏହାର ପୁନଃଉଦ୍ଧାର ପ୍ରକ୍ରିୟାକୁ ଆରମ୍ଭ କରିବାପାଇଁ ନିବେଦନ ଜଣାଇଛନ୍ତି ।
ମସିହା ନିଉଜ ସର୍ଭିସ୍
