ଢେ଼ଙ୍କାନାଳ (ମ ସୀ ହା)୨୫/୦୧_ଆସନ୍ତା ଫେବୃଆରୀ ୫ ତାରିଖରେ ଢେ଼ଙ୍କାନାଳ ଜିଲ୍ଲା ପ୍ରଶାସନ ଟାଟାଷ୍ଟିଲ ମେରାମଣ୍ଡଳୀ ର ମିଳିତ ସହଯୋଗରେ ଟାଟା ଷ୍ଟିଲ ମାରାଥନ ଦୌଡ “ରନ୍-ଏ-ଥନ୍ – ୨୦୨୩” ଅନୁଷ୍ଠିତ ହେବ । ଏଥି ପାଇଁ ଆଜିଠାରୁ ରେଜିଷ୍ଟ୍ରେସନ ଆରମ୍ଭ ହୋଇଯାଇଛି l ସୁସ୍ଥ ସମାଜ ଓ ଉତ୍ତମ ସ୍ଵାସ୍ଥ୍ୟ ଗଠନ ପୂର୍ବକ ଏହି କାର୍ଯ୍ୟକ୍ରମ ରେ ସିନିୟର ପାଇଁ ୨୦୦ଟଙ୍କା ଓ ଜୁନିୟର ପାଇଁ ୧୫୦ ଟଙ୍କା ଅନଲାଇନରେ ଡିପୋଜିଟ୍ କରି ଫାଷ୍ଟ କମ୍ ଫାଷ୍ଟ ସର୍ଭ ଅନୁସାରେ ନିଶ୍ଚିତ କରିବା ପାଇଁ ବିଜ୍ଞପ୍ତି ପ୍ରକାଶ ପାଇଛି l ସୂଚନା ଯୋଗ୍ୟ ଯେ ୨୦୧୯,୨୦୨୦ ମସିହା ରେ ଅନୁଗୋଳ,ଢେ଼ଙ୍କାନାଳ ତଥା ରାଜ୍ୟ ର କୋଣ ଅନୁକୋଣରେ ଏହା ବେଶ୍ ଆନନ୍ଦ ଉତ୍ସାହ ଭରିଦେଇ ଥିଲା l କିନ୍ତୁ କୋରୋନା ମହାମାରୀ ପାଇଁ ଦୁଇ ବର୍ଷ ଧରି ସ୍ଥଗିତ ରହିଥିବା ପ୍ରତିଯୋଗିତା ଚଳିତ ବର୍ଷ ଆଶାୟୀ ମାନଂକ ମଧ୍ୟରେ ଉତ୍ସାହ ଉନ୍ମାଦନା ଭରି ଦେଇଅଛି lଉଛୁକ ପ୍ରତିଯୋଗୀ ମାନେ ଜାନୁଆରୀ ମାସ ୩୦ ତାରିଖ ଭିତରେ https://tataateelmeramandalirun.com ରେ ନାମ ଅନ୍ତର୍ଭୁକ୍ତ କଲା ପରେ କମ୍ପାନୀ ପକ୍ଷରୁ ଟି ସାର୍ଟ, ବି ଆଇ ବି, ନମ୍ବର ଯୋଗାଇ ଦିଆଯିବ l ୧୪ ରୁ ୧୯ ବର୍ଷ ଉଭୟ ପୁରୁଷ ଓ ମହିଳା ଙ୍କ ପାଇଁ ୫ କି ମି ଓ ୧୯ ରୁ ଉର୍ଦ୍ଧ୍ବ ପୁରୁଷ ଓ ମହିଳା ଙ୍କ ପାଇଁ ୧୦ କି ମି ଦୌଡିବା ପାଇଁ ନିର୍ଦ୍ଧାରିତ କରାଯାଉଛି l ପ୍ରତିଯୋଗୀ ମାନେ ସଫଳ ହାସଲ କଲେ ସମୁଦାୟ ୪ ଲକ୍ଷ ୨୦ ହଜାର ପୁରସ୍କାର ଓ ଟ୍ରଫି ପାଇଁଯୋଗ୍ୟ ବିବେଚିତ ହୋଇପାରିବେ ବୋଲି ଜିଲ୍ଲାପାଳଙ୍କ ସାମ୍ବାଦିକ ସମ୍ମିଳନୀରେ ଘୋଷଣା କରାଯାଇଛି l
ଢେ଼ଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ସହ ପ୍ରହଲ୍ଲାଦ ମୁଦୁଲି ଙ୍କ ରିପୋର୍ଟ୍
