ମୟୂରଭଞ୍ଜ – (ମସିହା) ପବିତ୍ର ମାଘସପ୍ତମୀ ଅବସରରେ ରାଇରଙ୍ଗପୁର ପ୍ରସିଦ୍ଧ ଶ୍ରୀ ଜଗନ୍ନାଥ ମନ୍ଦିରର ୩୬ତମ ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇଯାଇଛି | ବହୁ ସଂଖ୍ୟାରେ ଶ୍ରଦ୍ଧାଳୁ ଭୋରୁ ଖଡଖାଇ ନଦୀରେ ବୁଡ ମାରି ନବବସ୍ତ୍ର ପରିଧାନ କରି ଜଗନ୍ନାଥ ମହାପ୍ରଭୁଙ୍କୁ ଦର୍ଶନ କରିବା ସହ ପୂଜାର୍ଚ୍ଚନା କରି ଆଶୀର୍ବାଦ ନେଇଥିଲେ । ସକାଳେ ପୂଜାପାଠ,ଆରତୀ,ହୋମଯଜ୍ଞ ହୋଇଥିଲାବେଳେ ସଂନ୍ଧ୍ୟା ସମୟରେ ହରିନାମ ସଂକ୍ରୀର୍ତ୍ତନ ଆୟୋଜିତ ହୋଇଥିଲା |ଏହି ଉପଲକ୍ଷେ ଶ୍ରଦ୍ଧାଳୁ ଭକ୍ତମାନଙ୍କର ବହୁ ସମାଗମ ଦେଖାଯାଇଥିଲା |ଏଥିରେ ମନ୍ଦିରର ମୁଖ୍ୟ ପୂଜକ ଦେବବ୍ରତରଥ ମହାପାତ୍ର,ପ୍ରଶାନ୍ତ ମିଶ୍ର,କାଳିଆ ନନା ସହ କମିଟୀର କୃଷ୍ଣ ବିହାରୀ ମହାନ୍ତି,ମନୋରଂଜନ ମହାନ୍ତି,ଆଲୋକ ଅଗ୍ରୱାଲ, ଦେବୋତ୍ତର କମିଟି ତରଫରୁ ପ୍ରସାଦ ବେହେରା ତଥା ବହୁ ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ |ରାଇରଙ୍ଗପୁରେର ଏହି ମନ୍ଦିର ର ବିଶେଷ ଆକର୍ଷଣ ରହିଛି |ଏହି ମନ୍ଦିର ଚାରିପାଖରେ ବିଭିନ୍ନ ଦେବାଦେବୀ ମନ୍ଦିର ରହିଛି ଯେପରି ଶିବ ମନ୍ଦିର,ନବଗ୍ରହ ମନ୍ଦିର,ହନୁମାନ ମନ୍ଦିର,ମା ଲକ୍ଷୀ ମନ୍ଦିର ଓ ମା ବିମଳା ମନ୍ଦିର |ଆଜିର ଦିନରେ ଭକ୍ତମାନଙ୍କପାଇଁ ଅନ୍ନ ପ୍ରସାଦର ବ୍ୟବସ୍ଥା ମଧ୍ୟ କରାଯାଇଥିଲା | ଅପରାହ୍ନରେ ମନ୍ଦିର ପ୍ରାଙ୍ଗଣରେ ସଂକୀର୍ତ୍ତନ କମିଟି ତରଫରୁ ହରିରାମ ସଂକୀର୍ତ୍ତନ ଅନୁଷ୍ଠିତ ହୋଇଥିଲା ।
ମୟୂରଭଞ୍ଜ ଅକ୍ଷୟ ବିଶ୍ବାଳ ରିପୋର୍ଟ