ବିଭିନ୍ନ ସମସ୍ୟା ଓ ଦାବୀ ନେଇ ଅଙ୍ଗନବାଡି କର୍ମୀ ମାନେ ଗତ ଡ଼ିସେମ୍ବର ୨୧ ତାରିଖରୁ ଜାନୁଆରୀ ୩ ତାରିଖ ପର୍ଯ୍ୟନ୍ତ ଧର୍ମଘଟ କରିଥିଲେ । ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖ ରେ ଧାରଣାରେ ବସିଥିଲେ । ପର୍ଯ୍ୟାୟ କ୍ରମେ ରାଲି ଓ ଜେଲଭର ଆନ୍ଦୋଳନ କରିଥିଲେ। ତେବେ ଧର୍ମଘଟ ବନ୍ଦହେଲା ପରେ ଡବ୍ଲ୍ୟୁ ସି ଡି ନିର୍ଦେଶକ ଙ୍କ ଟି ଭି ଘୋଷଣା ଅନୁଯାଇ ଅଫିସ ରେ ଅଙ୍ଗନବାଡି କର୍ମୀ ମାନେ ତା ୫/୧/୨୦୨୩ ରିଖ ଦିନ ସି ଡି ପି ଓ ଙ୍କୁ ଜଇନିଙ୍ଗ ରିପୋର୍ଟ ଦେଲେ । ଅଙ୍ଗନବାଡି କର୍ମୀ ମାନେ ପାଠ ପଢା ଆରମ୍ଭ ନିମନ୍ତେ ଅଙ୍ଗନବାଡି କେନ୍ଦ୍ର ସଫା ସଫି କରିଥିଲେ। 
କିନ୍ତୁ କର୍ମୀମାନେ ଅଙ୍ଗନୱାର୍ଡି ଖୋଲି ତା ୯/୧/୨୦୨୩ ରିଖ ଠାରୁ ପାଠ ପଢା ଓ ଖାଦ୍ୟ ପ୍ରଦାନ ଆରମ୍ଭ କରିଥିଲେ। ଯାହା ଫଳରେ ୯ ତାରିଖରୁ ସେମାନଙ୍କର ଦରମା ବିଲ ସୁପରଭାଇଜର ମାନେ କରିଥିଲେ। ନିୟମାନୁଯାୟୀ ୫/୧ ଠାରୁ ୯/୧ ପର୍ଯ୍ୟନ୍ତ ୪ ଦିନର ଦରମା କଟିଯିବାରୁ ଅଙ୍ଗନୱାର୍ଡି କର୍ମୀ ମାନେ ଅସନ୍ତୋଷ ହୋଇ ଏକ ଦାବିପତ୍ର ସି ଡି ପି ଓ ଙ୍କୁ ପ୍ରଦାନ କରିଛନ୍ତି।ଖଜୁରୀପଡା ଶିଶୁ ବିକାଶ ପ୍ରକଳ୍ପରେ ଏଭଳି ସ୍ଥିତି ଉପୁଜିଛି । ସୁପର ଭାଇଜର ମାନଙ୍କୁ ଏ ସମ୍ପର୍କରେ ପଚାରିବାରେ ଜଣାପଡିଛି ଯେ ଯେଉଁ ଦିନ ଅଙ୍ଗନୱାର୍ଡି କେନ୍ଦ୍ର ସଫାକଲେ ସେହି ଦିନଠୁଁ ଦରମା ବିଲ ହେବ ନାହିଁ, ଯେଉଁଦିନରୁ କେନ୍ଦ୍ରରେ ପାଠ ପଢା ଓ ଖାଦ୍ୟପ୍ରଦାନ କରାଗଲା (୯/୧/୨୩) ସେହିଦିନ ଠାରୁ ଦରମାବିଲ ହୋଇଛି ନିୟମାନୁଯାୟୀ କାହାରିକୁ ପାତର ଅନ୍ତର କରାଯାଇ ନାହିଁ । ବିଲ ସୁପରଭାଇଜର ମାନେ କରନ୍ତି କିନ୍ତୁ ବିଲ ସ୍କ୍ରୁଟିନୀ ଓ ଅନୁମୋଦନ ସି ଡି ପି ଓ କରିଥାନ୍ତି।ଖାଦ୍ୟ ପ୍ରଦାନ ଓ ଶିକ୍ଷା ଦାନ କରାଯାଇ ନଥିବା ଦିନ ଗୁଡିକ ପାଇଁ ଦରମା ଦେବାପାଇଁ ସି ଡି ପି ଓ ଙ୍କର ଅର୍ଡର ନାହିଁ ବୋଲି ପ୍ରକାଶ କରିଛନ୍ତି। ଖାଜୁରୀପଡା ସି ଡି ପି ଓ ଅଙ୍ଗନୱାର୍ଡି କର୍ମୀ ଙ୍କ ଠାରୁ ଦାବୀ ପତ୍ର ଗ୍ରହଣ କଲାପରେ ନିରବଥିବା ଜଣାପଡିଛି । ଏ ସମ୍ପର୍କରେ କେହି ଜଣେ କନ୍ଧମାଳ ସମାଜ ମଙ୍ଗଳ ଅଧିକାରୀ ସୁଶ୍ରୀ ପୁଷ୍ପାଞ୍ଜଳି ମିଶ୍ର ଙ୍କୁ ଅଭିଯୋଗ ଫୋନ ରେ ଜଣାଇବାରୁ ସେ ତଦନ୍ତ କରିବି ବୋଲି କହିଥିଲେ! ଉଲେଖ୍ହ ଯୋଗ୍ୟ ଯେ ଜିଲ୍ଲା ର ୧୧ ଟି ଶିଶୁ ବିକାଶ ପ୍ରକଳ୍ପ ରେ ଯେଉଁ ଦିନ ଅଙ୍ଗନୱାର୍ଡି କର୍ମୀ ମାନେ କେନ୍ଦ୍ର ଖୋଲି ଖାଦ୍ୟ ପ୍ରଦାନ ଓ ଶିକ୍ଷାଦାନ କଲେ ସେହି ଦିନଠାରୁ ଦରମା କରାଯାଇଛି।
ଫୁଲବାଣୀ ରୁ ବୈଦ୍ୟ ନାଥ ନାୟକ ଙ୍କ ରିପୋର୍ଟ
