କୋକସରା,୧୦/୦୨- କଳାହାଣ୍ଡି ଜିଲ୍ଲା କୋକସରା ବ୍ଲକ ଟେମରା ପଞ୍ଚାୟତ ବୋବରିଆ ଖେଳ ପଡ଼ିଆରେ ମା ଲଙ୍କେଶ୍ୱରୀ ଫୁଟବଳ ଆସୋସିଏସନ ପକ୍ଷରୁ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ସଭାପତି ରୋହିତ କୁମାର ପୁଝାରିଙ୍କ ସଭାପତିତ୍ୱରେ ବୁଧବାର ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଟେମରା ସରପଞ୍ଚ କ୍ଷିତିରାମ ପାତ୍ର, ସମ୍ମାନିତ ଅତିଥି ଭାବେ ଟେମରା ସମିତି ସଭ୍ୟା ଅନୁସୟା ମାଝୀ, ଟେମରା ନାଏକ ସରପଞ୍ଚ ପୂର୍ଣମୀ ମାଝୀ, ବୋବରିଆ ୱାଡ ସଭ୍ୟା ବବିତା ବେସ୍ରା ଯୋଗ ଦେଇଥିଲେ । ମା ଲଙ୍କେଶ୍ୱରୀ ଦେବୀଙ୍କ ପୂଜାର୍ଚ୍ଚନା ପରେ ଫୁଟବଳ ଟୁର୍ଣ୍ଣାମେଣ୍ଟର ପତାକା ଉତ୍ତୋଳନ କରିଥିଲେ । ଉଦଘାଟନୀ ମ୍ୟାଚ ଉଭୟ ଚିକିଲି ଓ ବିଜମରା ଦଳ ଖେଳାଳିଙ୍କ ସହ ଅତିଥି ମାନେ ଜାତୀୟ ସଙ୍ଗିତ ଓ ପରିଚୟ ପ୍ରଦାନ ଉତ୍ସଵରେ ସାମିଲ ହୋଇ ଉତ୍ସାହିତ କରିଥିଲେ। ପ୍ରଥମ ମ୍ୟାଚରେ ଉଭୟ ଦଳ ଚିତାକର୍ଷକ ଖେଳ ପ୍ରଦର୍ଶିତ କରିଥିବା ବେଳେ ଚିକିଲି ଦଳ ୩/୧ ଗୋଲରେ ବିଜମରାକୁ ପରାଜିତ କରି ବିଜୟୀ ହୋଇ ପରବର୍ତ୍ତୀ ମ୍ୟାଚକୁ ଉନ୍ନୀତ ହୋଇଛନ୍ତି। ଖେଳକୁ ଶିକ୍ଷକ ତାପସ କୁମାର ଦାସ, ଭୁପେନ୍ଦ୍ର ଗୋପାଳ ଓ ଜଗମୋହନ ମାଝୀ ପରିଚଳନା କରିଥିଲେ। ଖେଳର ଧାରା ବିବରଣୀ ଚୈତନ ପାତ୍ର ପ୍ରଦାନ କରିଥିଲେ। ଖେଳ ପରିଚାଳନାରେ ନୀଳାମ୍ବର ଛାତ୍ରିଆ, ଜଗମୋହନ ମାଝୀ ସହଯୋଗ କରିଥିଲେ।
ମସିହା ନିଉଜ ସର୍ଭିସ୍
