ଫୁଲବାଣୀ : କନ୍ଧମାଳ ଜିଲ୍ଲା ଆଇନ ସେବା ପ୍ରାଧ୍ୟାକରଣ ତରଫରୁ ଜିଲ୍ଲା ଦୌରା ଜଜଙ୍କ ଅଦାଲତରେ ଆଜି ୧ମ ରାଷ୍ଟ୍ରୀୟ ଲୋକ ଅଦାଲତ ଅନୁଷ୍ଠିତ ହୋଇଯାଇଛି ।ପ୍ରାପ୍ତ ତଥ୍ୟରୁ ଜଣାପଡ଼ିଛି ଯେ,ପ୍ରାକ୍ ମକଦ୍ଦମା ମାମଲାଗୁଡ଼ିକ ମଧ୍ୟରୁ ୧ଟି ଅର୍ଥ ଅସୁଲି ମାମଲାରେ ୬ଲକ୍ଷ ୪୮ହଜାର ୭୦୦ ଟଙ୍କା ଆଦାୟ କରାଯାଇଥିବା ବେଳେ, ୨୦ ଗୋଟି ସ୍ଥାୟୀ ଲୋକ ଅଦାଲତକୁ ନେଇଥିବା ବିବାଦ ମାମଲାରେ ୧ଲକ୍ଷ ୩୮ହଜାର ୨୮୬ ଟଙ୍କା ଆଦାୟ କରାଯାଇଛି ଏବଂ ୧୬ ଗୋଟି ବକେୟା ଟେଲିଫୋନ୍ ବିଲ୍ ଆଦାୟ ବାବଦରେ ୧୬ହଜାର ୨୧୮ ଟଙ୍କା ଆଦାୟ ହୋଇପାରିଛି।
ସେହିପରି କୋର୍ଟରେ ବିଚାରାଧୀନ ଥିବା ୫ ଗୋଟି ଏନ୍. ଆଇ. ଆକ୍ଟ ମାମଲାର ବିଚାର କରାଯାଇ ୯ ଲକ୍ଷ ୭୪ହଜାର ୭୭୮ଟଙ୍କା ଆଦାୟ କରାଯାଇଥିବା ବେଳେ ୭ଗୋଟି ଅର୍ଥ ଅସୁଲି ମାମଲାର ବିଚାର କରାଯାଇ ୨ଲକ୍ଷ ୬୬ହଜାର ୩୩୭ ଟଙ୍କା ଆଦାୟ କରାଯାଇଛି । ୦୭ ଗୋଟି ମୋଟର ଯାନ ଦୁର୍ଘଟଣା ଜନିତ କ୍ଷତି ପୂରଣ ମାମଲାରେ ୪୩ ଲକ୍ଷ ଟଙ୍କା ଆଦାୟ କରାଯାଇଥିବାବେଳେ ୨୪ଗୋଟି ବୈବାହିକ ବିବାଦ ଫଇସଲା କରାଯାଇ ୪ଲକ୍ଷ ୧୬ ହଜାର ଟଙ୍କା ଆଦାୟ କରାଯାଇଛି । ୫୪୬ଗୋଟି ରାଜସ୍ବ ମାମଲାର ବିଚାର କରାଯାଇ ୩୮ହଜାର ୬୬୩ ଟଙ୍କା ଆଦାୟ କରାଯାଇଥିବାବେଳେ ଅନ୍ୟାନ୍ୟ ୧୮ଟି ଅପରାଧିକ ମାମଲାର ବିଚାର କରାଯାଇ ୩ହଜାର ଟଙ୍କା ଆଦାୟ କରାଯାଇଛି । ତେବେ ୧୧ଟି ଅପରାଧୂକ କମ୍ପାଉଣ୍ଡେବଲ୍ ଓ ୧ଟି ଶ୍ରମ ବିବାଦ ମାମଲାର ଫଇସଲା କରାଯାଇଛି। ଆଜିର ଏହି ରାଷ୍ଟ୍ରୀୟ ଲୋକ ଅଦାଲତରେ ପ୍ରାକ୍ ମକଦ୍ଦମା ମାମଲାଗୁଡ଼ିକ ମଧ୍ୟରୁ ୩୭ଟି ମାମଲାର ଫଇସଲା କରାଯାଇଥିବା ବେଳେ କୋର୍ଟରେ ବିଚାରାଧୀନ ଥିବା ମାମଲାଗୁଡ଼ିକ ମଧ୍ୟରୁ ୬୧୯ଟି ମାମଲାର ଫଇସଲା କରାଯାଇଛି।
ଅତିରିକ୍ତ ଜିଲ୍ଲା ଦୌରା ଜଜ୍-ତଥା- ଭିଜିଲାନ୍ସ ଜଜ୍, ପାରିବାରିକ ଅଦାଲତ ଜଜ୍, ଅତିରିକ୍ତ ଜିଲ୍ଲା ଜଜ୍ ଓ ସେସନ୍ ଜଜ୍, ଫୁଲବାଣୀ ସ୍ଥାୟୀ ଲୋକ ଅଦାଲତ(ପି.ୟୁ.ଏସ୍.) ଜଜ୍, ଦେୱାନୀ ଅଦାଲତର ରେଜିଷ୍ଟ୍ରାର, ସଚିବ, ଜିଲ୍ଲା ଆଇନ ସେବା ପ୍ରାଧିକରଣ, କନ୍ଧମାଳ, ଫୁଲବାଣୀ, ଏସ୍.ଡି.ଜେ.ଏମ୍, ଫୁଲବାଣୀ, ଜେ.ଏମ୍. ଏଫ୍.ସି., ଫୁଲବାଣୀ, ଜିଲ୍ଲା ବାର ଆସୋସିଏସନ୍ର ସଭାପତି ଓ ଅନ୍ୟ ସଦସ୍ୟ ସଦସ୍ୟାମାନଙ୍କ ଇଜ୍ଲାସରେ ମାମଲା ଗୁଡ଼ିକର ବିଚାର କରାଯାଇଥିଲା।
ଫୁଲବାଣୀ ରୁ ବୈଦ୍ୟ ନାଥ ନାୟକ ଙ୍କ ରିପୋର୍ଟ
