ମୟୂରଭଞ୍ଜ -୧୭/୨/୨୩ (ମସିହା) ବାଲେଶ୍ବର ପାଓ୍ବାର ଏମ୍ପୋଲଇଜ ୟୂନିୟନର ସାଧାରଣ ସଂପାଦକ ତାରାକାନ୍ତ ପଟ୍ଟନାୟକ (୭୩)ଙ୍କ ବୁଧବାର ପରଲୋକ ହୋଇଯାଇଛି ।ହୃଦରୋଗ ରେ ପିଡିତ ହୋଇ ସେ କିଛିଦିନ ଧରି ଭୁବନେଶ୍ୱର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିଲେ । ବିଶେଷଜ୍ଞଙ୍କ ପରାମର୍ଶ କ୍ରମରେ ପରିବାର ଲୋକେ ତାଙ୍କୁ ବାଲେଶ୍ବର ଆସୁଥିବାବେଳେ ସୋରୋ ପାଖରେ ତାଙ୍କର ହୃଦଘାତ ଯୋଗୁଁ ପରଲୋକ ହୋଇଗଲା । 
ସେ ଜଣେ ଟାଣୁଆ ବିଦ୍ୟୁତ ଶ୍ରମିକ ନେତା ଥିଲେ ।ଜଣେ ଅମାୟିକ,ଦରଦୀ , ପରୋପକାରୀ , ମିଷ୍ଟଭାଷୀ ବ୍ୟକ୍ତିଥିଲେ ।ଜଣେ ଟାଣୁଆ ନେତାଙ୍କୁ ହରାଇ ରାଇରଙ୍ଗପୁର ଟିପିଏନଓଡିଏଲ କାର୍ଯ୍ୟାଳୟ ପରିସରରେ ନେସ୍କୋ ପାଓ୍ବାର ଏମ୍ପଲଇ ୟୂନିୟନ ତରଫରୁ ଡିଭିଜିଓନାଲ ସଂପାଦକ ଦୁଲାଲ ରାୟଙ୍କ ସଭାପତିତ୍ବରେ ଏକ ଶୋକସଭା ଅନୁଷ୍ଠିତ ହୋଇଯାଇଛି । 
ଏଥିରେ ସଂଘର ସଭ୍ୟ ବୃନ୍ଦ ଦିବଂଗତ ପ୍ରିୟନେତାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଦେଇ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ପ୍ରିୟ ନେତାଙ୍କ ଅମର ଆତ୍ମାର ସଦଗତି ନିମନ୍ତେ ପ୍ରାର୍ଥନା କରିଥିଲେ ।ତାଙ୍କର ପ୍ରିୟ ନେତାଙ୍କୁ ହରାଇ ଦୁଃଖରେ ଭାଙ୍ଗି ପଡିଥିଲେ । 
କାର୍ଯ୍ୟକ୍ରମରେ ନେସ୍କୋ ପାଓ୍ବାର ଏମ୍ପଲଈ ୟୂନିଅନର ଜୋନାଲ ସଂପାଦକ ଅଶ୍ଵିନୀ ପଣ୍ଡା, ସାଂଗଠନିକ ସଂପାଦକ ରାଜେନ୍ଦ୍ର ମହାନ୍ତି,ଅମୀୟ ସ୍ବାଇଁ,ଦୀପକ ମହାନ୍ତି,ହରିହର ଦାସ, ଶୁଭେନ୍ଦୁ ପ୍ରସାଦ ଦାସ,ଚନ୍ଦନ ରାଉତ, ଆଶୁତୋଷ ପଣ୍ଡା ଏବଂ ଅନ୍ୟ ସଂଘର ସଦସ୍ୟ ବୃନ୍ଦ ଉପସ୍ଥିତ ଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
