ମୟୂରଭଞ୍ଜ -୨୨/୨/୨୩ (ମସିହା) ସାରା ବିଶ୍ବ ଵାସ୍ତୁବାଦୀ ଦୁନିଆରେ ପାଦ ଦେଇ ଅଶାନ୍ତ ହୋଇପଡିଛି ।ପ୍ରକୃତି,ପରିବେଶ, ସାମାଜିକ ସବୁକିଛି ପ୍ରଦୂଷିତ ହେଉ ପଡ଼ିଛି । ମେସିନ ଓ ଟଙ୍କା ପଛରେ ଗୋଡାଇ ମଣିଷ ସମାଜ ଏକ ଅସ୍ଥିରତା ଓ ଅଶାନ୍ତ ଭିତରେ ଗତି କରୁଛି । ଏଥିପାଇଁ ବିଶ୍ଵରେ ଦୁର୍ଗତି ର ବିନାଶ ଏବଂ ବିଶ୍ବରେ ଶାନ୍ତି ପ୍ରତିଷ୍ଠା ପାଇଁ ବ୍ରାହ୍ମଣ ମାନଙ୍କର ଭୂମିକା ଅନନ୍ୟ । ବିଶ୍ବରେ ଶାନ୍ତି ପ୍ରତିଷ୍ଠା ପାଇଁ ମୟୂରଭଞ୍ଜ ଜିଲ୍ଲାର ଓଡ଼ିଶା ବ୍ରାହ୍ମଣ ମହାସଭାର,ବାମନଘାଟୀ ଶାଖା ଆନୁକୁଲ୍ୟରେ ଆସନ୍ତା ମାର୍ଚ୍ଚ ୪,୫,୬ ଏବଂ ୭ ତାରିଖ ଦିନ ରାଇରଙ୍ଗପୁର ପୌରାଞ୍ଚଳ ଅନ୍ତର୍ଗତ କୁଚେଇବୁଢି ଗ୍ରାମର ପୂର୍ଣେଶ୍ବର ମନ୍ଦିର ପ୍ରାଙ୍ଗଣରେ ବିଶ୍ଵଶାନ୍ତି ମହାଯଜ୍ଞ ଅନୁଷ୍ଠିତ ହେବ ବୋଲି ସକ୍ରିୟ ସଦସ୍ୟ ତଥା ଜଗନ୍ନାଥ ମନ୍ଦିର ମୁଖ୍ୟ ପୂଜକ ଦେବବ୍ରତ ରଥ ମହାପାତ୍ର, ପ୍ରସନ୍ନ ଷଡଙ୍ଗୀ ଗଣମାଧ୍ୟମକୁ ସୂଚନା ଦେଇଛନ୍ତି । ଏଥିରେ ପୁରୀରଵେଦିକ ପରିଷଦର ୫ ଜଣ ପୂଜକ କର୍ମକାଣ୍ଡରେ ପୂଜନ ଓ ଯଜ୍ଞ କାର୍ଯ୍ଯକ୍ରମରେ ସାମିଲ ହେବେ ।ଏଠାରେ ନିଃଶୁକ୍ଳ ବ୍ରତପୋୟନ ଏବଂ ଅନ୍ନପ୍ରାସାନ୍ନ ସଂସ୍କାର କରାଯିବ କରାଯିବ। ସବୁଦିନ ଵେଦପାଠ, ଚଣ୍ଡୀ ପାଠ, ଗୀତାପାଠ,ରୁଦ୍ରାଭିଷେକ, ବିଷ୍ଣୁ ସହସ୍ରନାମ,ଗୋପାଳ ସହସ୍ରନାମ, ନୃସିଂହ ସହସ୍ରନାମ, ଜଗନ୍ନାଥ ସହସ୍ରନାମ,ଭଜନ,କିର୍ତ୍ତନ ହେବ । ବହୁ ସଂଖ୍ୟାରେ ଶ୍ରଦ୍ଧାଳୁ, ଭକ୍ତବୃନ୍ଦ ଏହି ବିଶ୍ଵଶାନ୍ତି ମହାଯଜ୍ଞ ରେ ଯୋଗ ଦେଇ ଠାକୁରଙ୍କ ଆଶୀର୍ବାଦ ନେବାପାଇଁ ବାମନଘାଟୀ ମହାସଭାର ସଭାପତି ପ୍ରଭାସ କବି ଏବଂ ଅନ୍ୟ ସଦସ୍ଯବୃନ୍ଦ ବିନମ୍ର ନିବେଦନ କରିଛନ୍ତି ।