ଚିଲିଗୁଡା ( ମ ନି ସ) ଜୁନାଗଡ଼ ବ୍ଲକ ଅନ୍ତର୍ଗତ ଚିଲିଗୁଡା ଭଣ୍ଡାରୀ ବନ୍ଧ ନିକଟରେ ଥିବା ଖସିଗୁଡା ସବ ମାଇନର ଶାଖା କେନାଲ ୩ ମରାମତି କାମ ନିମ୍ନମାନର ହେଉଥିବା ଜାଣି ଚାଷୀ ମାନେ କାମ ବନ୍ଧ କରିବା ପାଇଁ ଅଭିଯୋଗ କରିଥିଲେ । ଚାଷୀ ମାନଙ୍କ କହିବାନୁଯାୟୀ ଭଣ୍ଡାରୀ ବନ୍ଧ କୁ ଏହି କେନାଲ ଲାଗି ରହିଥିବା ବେଳେ ପ୍ରାୟତଃ ବର୍ଷା ସମୟରେ ଏବଂ କେନାଲ ପାଣି ଚାଲୁ ବେଳେ ଏହି ଜାଗାରେ ଅନେକ ଅସୁବିଧା ଦେଖା ଦେଇଥାଏ । 
ଏଣୁ ଚାଷୀମାନେ ଏହି ସ୍ଥାନକୁ ଠିକ ଭାବରେ କାମ କରିବାକୁ କହିଥିଲେ । ଯାହା ଫଳରେ ଚାଷୀଙ୍କ କଥାକୁ ଠିକାଦାର ଜଣକ ଦୃଷ୍ଟି ଦେଇ ନ ଥିଲେ ।ଏପରିକି ଜେଇ ,ଠିକାଦାର ଙ୍କ ଅନୁପସ୍ଥିତିରେ ନିୟୋଜିତ ଥିବା ଶ୍ରମିକମାନେ ମନ ଇଛା କାମ କରୁଥିଲେ । ଚାଷୀମାନଙ୍କ କହିବାନୁଯାୟୀ କେନାଲ କାମରେ ୬ ଇଞ୍ଚ ବେଡ଼ ପଡିବା ବଦଳରେ ୩ ଇଞ୍ଚ ପଡୁଥିବା ,କମ ସିମେଣ୍ଟ ପ୍ରୟୋଗ ଏବଂ ପାଣି ଠିକ ଭାବରେ ଦେଉ ନ ଥିବା ଜାଣି ଜେ ଇ ଏବଂ ଠିକାଦାର ଙ୍କ ସହ ଫୋନ ଯୋଗେ ଯୋଗା ଯୋଗ କରିଥିଲେ । 
ଏଥିରେ ବିର ଚହରିଆ ପାଣି ପଞ୍ଚାୟତର ସଭାନେତ୍ରୀ ଧନମତି ପଟେଲ , କୋଷାଧକ୍ଷ ଲଳିତ ମୋହନ ପାତ୍ର ,ଚାଷୀ ପଦ୍ମ ନାଭ ନାଗ ,ବାମ ଦେବ ପାଢ଼ୀ ,ମନୋହର ପଟେଲ ,ବାସୁଦେବ ପାଢ଼ୀ ,ଶ୍ରୀପତି ପଟେଲ ,ଭବାନୀ ଶଙ୍କର ନ।ଏକ ପ୍ରମୁଖ ଉପସ୍ଥିତ ରହି ନିମ୍ନମାନର କେନାଲ କାମକୁ ବିରୋଧ କରିଥିଲେ । ପରେ ଘଟଣା ସ୍ଥଳକୁ ଜେ ଇ ପହଞ୍ଚି ଚାଷୀ ମାନଙ୍କ ସହ ଆଲୋଚନା କରି ଥିଲେ ଏବଂ ଠିକ ଭାବରେ କାମ କରାଯିବ ବୋଲି କହିଥିଲେ ।
ସୁନ୍ଦର ମୋହନ ଛତ୍ରିଆ ,ଚିଲିଗୁଡା
