ରାଇଘର // ନବରଙ୍ଗପୁର ଜିଲ୍ଲା ରାଇଘର ବ୍ଲକରେ କରୋନା ସଂକ୍ରମିତ ଚିହ୍ନଟ ହୋଇଥିବା ଜଣାପଡିଛି | ଏହି ତିନିଜଣ ସଂକ୍ରମିତଙ୍କ ମଧ୍ୟରୁ ଜଣେ ଛତିଶଗଡ଼ ଅଂଚଳରୁ ଆସି ରାଇଘରରେ ରହୁଥିବା ବେଳେ ଜଣେ ଆନ୍ଧ୍ରରୁ ଫେରିବା ପରେ ଉଭୟ ପତିପତ୍ନୀଙ୍କୁ ସଂକ୍ରମିତ ହୋଇଥିବା ଜଣାପଡ଼ିଛି l
ସୂଚନା ଅନୁଯାୟୀ ସବୁଦିନ ଭଳି ହାଟଭରାଣ୍ଡି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ଆସି କିଛି ଲୋକ କରୋନା ପରୀକ୍ଷା କରି ଆସୁଥିବା ବେଳେ ଗତ ୨୫ ଓ ୨୭ ତାରିଖ ଦିନ କିଛି ଲୋକଙ୍କ ମଧ୍ୟରୁ ୩ଜଣଙ୍କ ରିପୋର୍ଟ ରେ କରୋନା ସଂକ୍ରମିତ ଥିବା ଜଣାପଡିଥିଲା l ସେମାନଙ୍କ ମଧ୍ୟରୁ ଜଣେ ସଂକ୍ରମିତ ଛତିଶଗଡ଼ ଅନ୍ତର୍ଗତ ଗରିଆବନ୍ଧ ଅଂଚଳର ହୋଇଥିବା ବେଳେ ସେ କୌଣସି କାରଣରୁ ଓଡ଼ିଶା ଆସିଥିଲେ l ସେହିଭଳି ଅନ୍ୟ ଦୁଇଜଣ ସ୍ଥାନୀୟ ବ୍ଲକ ଅନ୍ତର୍ଗତ ହାତୀବେନା (ଡିଏନ୍କେ)ଗ୍ରାମର ଏବଂ ପୁରୁଷ ଜଣକ କିଛିଦିନ ହେବ ଆନ୍ଧ୍ରରୁ ଫେରିବା ପରେ ଉଭୟ ପତିପତ୍ନୀଙ୍କୁ ସଂକ୍ରମଣ ହୋଇଥିବା ଜଣାପଡିଛି | ଏହି ତିନି ଜଣଙ୍କୁ ଥଣ୍ଡା ଖାସ ହେଉଥିବାରୁ ସେମାନେ କରୋନା ପରୀକ୍ଷା କରାଇଥିଲେ l ସ୍ବାସ୍ଥ୍ୟକେନ୍ଦ୍ର ପକ୍ଷରୁ ସମସ୍ତଙ୍କୁ ଔଷଧ ପ୍ରଦାନ କରାଯିବା ସହ ହୋମ ଆଇସୋଲେସନ୍ ରେ ରହିବାକୁ ପରାମର୍ଶ ଦିଆଯାଇଛି l
ପ୍ରକାଶ ଥାଉକି ପ୍ରତ୍ୟେକ ଦିନ ହାଟଭରାଣ୍ଡି ଗୋଷ୍ଠି ସ୍ବାସ୍ଥ୍ୟକେନ୍ଦ୍ରରେ କରୋନା ପରୀକ୍ଷା କରାଯାଉଥିବା ବେଳେ ପ୍ରାୟ ଏକ ବର୍ଷ ମଧ୍ୟରେ କରୋନା ସଂକ୍ରମିତ ସଂଖ୍ୟା ଶୁନ ଥିଲା | ଏବେ ଦୁଇ ଦିନ ମଧ୍ୟରେ ୩ ଜଣ ସଂକ୍ରମିତ ଥିବା ଜଣାପଡିବା ପରେ ସ୍ଥାନୀୟ ଅଂଚଳରେ ଏହି ଘଟଣା ଏବେ ଚିନ୍ତାର ବିଷୟ ପାଲଟିଛି l