ଗୋଳାମୁଣ୍ଡା ତା ୩/୩/ମସିହା/ଗୋଳାମୁଣ୍ଡା ବ୍ଲକଅଞ୍ଚଳରେ ବାରମ୍ବାର ସଡକ ଦୁର୍ଘଟଣା ଘଟୁଥିବା ଚର୍ଚ୍ଚାର ବିଷୟ ପାଲଟିଛି,ଏଭଳି ଘଟଣା ସମ୍ପର୍କରେ ସୂଚନା ମିଳିଛି ଯେ, ଗତକାଲି ରାତିରେ କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକ କେଗାଁ ଥାନା ଅନ୍ତର୍ଗତ ଚହକା ଛକ ଠାରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଦୁର୍ଘଟଣାରେ ବାଇକ ଚାଳକଙ୍କ ମୃତ୍ୟୁ ହୋଇଛି । ମୃତକ ଜଣକ ହେଲେ ସିଙ୍ଗଭାଡ଼ି ଗ୍ରାମର ବୈଜଳ ଶବର(୩୦) ପି ଅମର ଶବର ବୋଲି ଜଣାପଡିଛି । ସ୍ଥାନୀୟ ଲୋକଙ୍କ କହିବାନୁଯାଇ ଗରଗାଵ ରୁ ନିଜ ଘରକୁ ଗତକାଲି ରାତ୍ରିରେ ଆସୁଥିବା ବେଳେ ଏପରି ଘଟଣା ଘଟିଛି ବୋଲି କୁହାଯାଉଛି । ସ୍ଥାନୀୟ ଲୋକେ କେଗାଁ ପୋଲିସକୁ ଖବର ଦେବା ପରେ ଘଟଣାସ୍ଥଳରେ କେଗାଁ ପୋଲିସ ଏସ ଆଇ ମେଘରାୟେ ହାସଦା ପହଞ୍ଚି ଶବଟିକୁ ଜବତ କରି ତଦନ୍ତ ପକ୍ରିୟା ଜାରି ରଖିଛି । କେଗାଁ ପୋଲିସ ପଞ୍ଚନାମା କରି ୨୭୯/୩୦୪ (କ)ରେ କେଶରୁଜୁ କରି ଶବଟିକୁ ଶବବ୍ୟବଛେଦ ପାଇଁ ଧର୍ମଗଡ଼ ଉପ ଖଣ୍ଡ ଚିକିତ୍ସାଲୟକୁ ପଠାଇଥିବା ପୋଲିସ ସୂତ୍ରରୁ ପ୍ରକାଶ ପାଇଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ, ପ୍ରଗତିଶୀଳ ମସିହା