ତିର୍ତ୍ତୋଲ :- ପରିବେଶ ପରିସ୍ଥିତି ବିଗିଡି ଯାଉଥିବାରୁ ଋତୁଚକ୍ରରେ ପରିବର୍ତ୍ତନ ଆସୁଛି ! ଯାହାର ସମାଧାନ ବେଆଇନ ବୃକ୍ଷ କଟାକୁ ରୋକିବା ଏବଂ ବୃକ୍ଷ ରୋପଣ କରି ପରିବେଶକୁ ସବୁଜିମାମୟ କରାଇବା ! କିନ୍ତୁ ଏଠାରେ ଚିତ୍ର ସମ୍ପୂର୍ଣ୍ଣ ନିଆରା ! ଜନୈକ ବ୍ୟକ୍ତି ଏକ କାଗଜ ଖଣ୍ଡେ ଦେଖାଇ ତହସିଲଦାରଙ୍କ ଅନୁମତି ପତ୍ର କହି ସଂରକ୍ଷିତ ଜଙ୍ଗଲ ଜମିରୁ ବେଆଇନ ଭାବେ ମୂଲ୍ୟବାନ ଗଛ କାଟି ନେଉଛନ୍ତି ! ସାଧାରଣରେ ଚର୍ଚ୍ଚା ହେଉଛି ଯେ ଏଇଟା ବିଭାଗୀୟ ପ୍ରଶାସନର ହାତସଫେଇ କାର୍ଯ୍ୟ !ଖବର ଅନୁସାରେ ଜଗତସିଂହପୁର ଜିଲ୍ଲାର ତିର୍ତ୍ତୋଲ ବ୍ଲକ ଅନ୍ତର୍ଗତ ତୁଳଙ୍ଗ ଗ୍ରାମପଞ୍ଚାୟତ ର ନରୁଆ ବେଲଦଣ୍ଡା ଗ୍ରାମ ପୋଖରୀ କୂଳକୁ ଲାଗି 231 ନମ୍ବର ପ୍ଲଟରେ ଜଙ୍ଗଲ ସଂରକ୍ଷଣ ଜମି ଅବସ୍ଥିତ !ଯେଉଁଠାରେ ବହୁ ମୂଲ୍ୟବାନ ବୃକ୍ଷ ଲଗାଯାଇଛି ! ଏହି ଜଙ୍ଗଲ ଜମିକୁ ଲାଗି ରହିଛି ଜନୈକ ବ୍ୟକ୍ତିର ଜମି ! ଗ୍ରାମବାସୀଙ୍କ କହିବା ଅନୁସାରେ ଜନୈକ ଭଦ୍ରବ୍ୟକ୍ତି ଜଣକ ନିଜ ଜମି ପାଖରେ ଥିବା ସଂରକ୍ଷିତ ଜଙ୍ଗଲ ଜମିରୁ ଜୋର ଜବରଦସ୍ତ ମୂଲ୍ୟବାନ ଗଛଗୁଡ଼ିକ କାଟି ନେଇଯାଉଛି ! ଜଙ୍ଗଲ ସୃଷ୍ଟି ପାଇଁ ସରକାର କୋଟି କୋଟି ଟଙ୍କା ବିନିଯୋଗ କରୁଥିବା ବେଳେ, ତହସିଲଦାର ଙ୍କ ନାମରେ ଏଠି ଚାଲିଛି ଜୋର ଯାର ମୂଳକ ତାର ନିତି ! ଏଥିପାଇଁ ଗ୍ରାମବାସୀଙ୍କ ତରଫରୁ ତିର୍ତ୍ତୋଲ ତହସିଲଦାର ଓ ଜଗନ୍ନାଥପୁର ରାଜସ୍ବ ନିରୀକ୍ଷକଙ୍କ ନିକଟରେ ଲିଖିତ ଅଭିଯୋଗ କରିଥିଲେ ! ଘଟଣା ସ୍ଥଳରେ ରାଜସ୍ବ ନିରୀକ୍ଷକ ପହଂଚି ଗଛ କଟାକୁ ବନ୍ଦ କରିବା ସହିତ ଏଥିପାଇଁ କୌଣସି ଅନୁମତି ପତ୍ର ଦିଆଯାଇନାହିଁ ବୋଲି ଗ୍ରାମବାସୀଙ୍କୁ କହିଥିଲେ ! କିନ୍ତୁ ଗ୍ରାମବାସୀମାନେ ଅଭିଯୋଗ କରିଛନ୍ତି ଯେ ଏଭଳି ମୂଲ୍ୟବାନ ଗଛ ସାଗମାଛ ମୂଲ୍ୟରେ କାଟିନେବାକୁ ତହସିଲଦାର ମହାଶୟ ଅନୁମତି ଦେଲେ କିପରି ? ରାଜସ୍ବ ନିରୀକ୍ଷକ କହୁଛନ୍ତି ଅନୁମତି ଦିଆଯାଇନି କିନ୍ତୁ , ଜନୈକ ବ୍ୟକ୍ତି ଦେଖାଉଛନ୍ତି ଖଣ୍ଡେ କାଗଜ ! ଲୋକ ଚର୍ଚ୍ଚା ହୁଏ ଯେ,ଏହା ଭିତରେ କିଛି ତହସିଲଦାର ଙ୍କ ହାତ ସଫେଇ ରହସ୍ୟ ଲୁଚି ରହିନାହିଁ ତ ? ଦେଖିବାକୁ ରହିଲା ତିର୍ତ୍ତୋଲ ତହସିଲଦାର କରୁଛନ୍ତି କଣ ???
ତିର୍ତ୍ତୋଲରୁ ଭାଗବତ ପ୍ରସାଦଙ୍କ ରିପୋର୍ଟ ମସୀହା ନ୍ୟୁଜ ଓଡିଶା !
