ରଜ୍ୟ ସରକାର ଓଡ଼ିଶାର ସୁଶାସନ କଥା ଡିଣ୍ଡିମ ପିଟୁଥିବା ବେଳେ ବାରମ୍ବାର ପଶ୍ଚିମ ଓଡ଼ିଶାରେ ଘଟୁଥିବା ଦାଦନ ଦୁଃଖ ଆମେ କେତେ ସମୃଦ୍ଧ ସହଜେ ଅନୁମେୟ । ଏପରି ଏକ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି କଲମପୁର ଥାନା ଅନ୍ତର୍ଗତ ଭେଲାଗାଁରେ । ବର୍ଷକ ମଧ୍ୟରେ ଗୋଟିଏ ପରିବାରର ବାବା,ମାଁ ଆର ପାରିକୁ ଚାଲି ଯିବାପରେ ବେସାହାରା ହୋଇ ଯାଇଥିଲେ ଦୁଇ ଜଣ ଭାଇ ଭଉଣୀ । ଭଉଣୀକୁ ବିବାହ ଦେବାପାଇଁ ଅର୍ଥ ବାଧକ ସାଜି ଥିବାରୁ ଭାଇ ସ୍ଥାନୀୟ ଅଞ୍ଚଳରେ କାମ ଧନ୍ଦା ନପାଇ ସୁଦୂର ଚେନ୍ନାଇକୁ ଦାଦନ ଖଟିବାକୁ ଚାଲି ଯାଇଥିଲେ । କିନ୍ତୁ ନିୟତିର ବିଧାନ କିଛି ଅଲଗା ଥିଲା । ସୂଚନା ମୁତାବକ ଭେଳାଗାଁର ଧନିରାମ ନାଏକ (୨୩) ଗତ ୧ ମାସ ତଳେ ବାହାର ରାଜ୍ୟ ଚେନ୍ନାଇ କୁ ଯାଇ ଏକ ଘରୋଇ କମ୍ପାନୀ ରେ ଶ୍ରମିକ ଭାବେ କାର୍ଯ୍ୟ କରୁଥିଲେ l କୌଣସି କାରଣରୁ ଦେହ ଅସୁସ୍ଥ ହେବା ପରେ ସେଠାରେ କିଛି ସମ୍ପର୍କୀୟ ଏକ ମେଡ଼ିକାଲରେ ରେ ନେଇ ଶୁକ୍ରବାର ଦିନ ଭର୍ତ୍ତି କରାଇଥିଲେ । କିନ୍ତୁ ତାଙ୍କ ସ୍ୱାସ୍ଥ୍ୟବସ୍ଥା ରେ କିଛି ଉନ୍ନତି ହେଲା ନାହିଁ ଏବଂ ଶନିବାର ଦିନ ୧୨ ଟାରେ ତାଙ୍କ ମୃତ୍ୟୁ ହୋଇଥିବା ଖବର ଆସିଥିଲା l ଫଳରେ ଗାଁରେ ଶୋକାକୁଳ ପରିସ୍ଥିତି ଦେଖାଦେଇଥିଲା l ଖବର ପାଇ ଘରେ ଏକୁଟିଆ ରହିଥିବା ତାର ଭଉଣୀ ଯାଜ୍ଞସେନୀ (୨୭) ଅତ୍ୟନ୍ତ ମର୍ମାହତ ହୋଇପଡିଛନ୍ତି l ଯେହେତୁ ଗତ ୨ ମାସ ତଳେ ତାଙ୍କ ବାପା ହୁକନ ନାଏକ ଙ୍କ ମୃତ୍ୟ ହୋଇଥିଲା l ବର୍ଷକ ମଧ୍ୟରେ ମା ଙ୍କ ମଧ୍ୟ ମୃତ୍ୟ ହୋଇଥିଲା l ମୃତକ ଧନିରାମ ର ଶବକୁ ନିଜ ଭିଟାମାଟିକୁ ଆଣିବା ପାଇଁ ଭଉଣୀର ସାମର୍ଥ୍ୟ ନଥିବାରୁ ଚେନ୍ନାଇରେ ହିଁ ତାଙ୍କର ଶେଷକୃତ୍ୟ ସମ୍ପର୍ଣ୍ଣ କରାଯାଇଛି । ବର୍ତ୍ତମାନ ପରିସ୍ଥିତି ଜଟିଳ । ଏକୁଟିଆ କିଭଳି ଦିନ କଟାଇବ ନିରୀହ ଝିଅଟି । ଏପରି ଦୁର୍ବଳ ମୁହୁର୍ତ୍ତରେ ସ୍ଥାନୀୟ ନିର୍ବାଚିତ ପ୍ରତିନିଧି ତଥା ପ୍ରଶାସନ ଉକ୍ତ ଅବଳା ପ୍ରତି କୃପାଦୃଷ୍ଟି ଦେଇ ଉପଯୁକ୍ତ ଥଇଥାନ ପାଇଁ ସାଧାରଣ ରେ ଦାବି ହେଉଛି ।
ଜଗମୋହନ ପଟ୍ଟନାୟକ, ବରିଷ୍ଠ ସାମ୍ବାଦିକ