ପାପଡାହାଣ୍ଡି ,16/3, ମନିସ —- ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ଥାନା ପୋଲିସ ଗାଡି ଯାଞ୍ଚ କରୁଥିବା ସମୟରେ ଦୁଇଟି କାର ସହ ଗଞ୍ଜେଇ ଜବତ କରିଥିବା ସହ 5ଜଣଂକୁ ଗିରଫ କରି କୋର୍ଟ ଚାଲାଣ କରିଛି l ସୂଚନା ଅନୁସାରେ, ବୁଧବାର ଦିନ ପୋଲିସ ଡାବୁଗାଁ ଛକ ଓ ଥାନା ସମ୍ମୁଖରେ ଯାନ ବାହାନ ଯାଞ୍ଚ କରୁଥିବା ସମୟରେ ଦୁଇଟି କାର ତୀବ୍ର ଗତି ରେ ଯାଉଥିବା ନେଇ ସନ୍ଦେହ କରି ଗାଡିକୁ ଅଟକାଇଥିଲେ l ଗ୍ରାଫଇଟ ରଙ୍ଗ ର ଵାଲେନ (BR 06 CJ 9441)ଏସକଟ ଦେଉଥିବା ବେଳେ ଧଳା ରଙ୍ଗ ର ALTO K10(OD 02AD 8424)ଗାଡି କୁ ଡାବୁଗାଁ ଛକ ନିକଟରେ ଯାଞ୍ଚ କରିଥିଲା l ଵାଲେନ କାର କୁ ପୋଲିସ ଅଟକ ରଖିବାରେ ସଫଳ ହୋଇଥିବା ବେଳେ ALTO Ki10କାର ରେ ଗଞ୍ଜେଇ ଚାଲାଣ ହେଉଥିବା ସନ୍ଦେହ ରେ ପୋଲିସ ଅଟକ ରଖିଥିଲା l କିନ୍ତୁ ପୋଲିସ କୁ ଚକମା ଦେଇ ସେଠାରୁ ଫେରାର ହୋଇଯାଇଥିଲା l ମୈଦଲପୁର ପୋଲିସ ଉକ୍ତ କାର କୁ ପିଛା କରି କଳାହାଣ୍ଡି ଜିଲ୍ଲା ଆମପାଣି ଥାନା ଡୁମେର ବାହାଲ ନିକଟରେ ଥିବା ଶିବ ମନ୍ଦିର ନିକଟ ରେ ଆମପାଣି ପୋଲିସ ସହାୟତା ରେ ଧରିଥିଲା l ଉଭୟ ଗାଡ଼ିରେ ଥିବା ବିହାର ଜିଲ୍ଲା ର ଵିଶାଲ ପାଲ(37), ଅତୁଲ ରାଜ (37), ମହେଶ ଛବେ (32), ସନୁ କୁମାର (25)ଓ ରାକେଶ କୁମାର ସାହା (28) ଗିରଫ କରି କେଶ ନଂ40/23 ରେ ମାମଲା ରଜୁ କରି ଗୁରୁବାର କୋର୍ଟ ଚାଲାଣ କରିଛି lତହସିଲଦାର ଯୋଗେଶ୍ୱର ଭୋଇଙ୍କ ଉପସ୍ଥିତ ରେ ଜବତ ଗଞ୍ଜେଇର ପରିଣାମ 81Kg ବାହାରିଥିଲା l ଥାନା ଅଧିକାରୀ ନଟବର ନନ୍ଦ ଙ୍କ ସୂଚନା ପ୍ରକାରେ, ବିହାର ଅଂଚଳ ର ଯୁବକ ମାନେ 11ତାରିଖ କୋରାପୁଟ ଯାଇ ଜଗନ୍ନାଥ ମନ୍ଦିର ଦର୍ଶନ କରି ହୋଟେଲ ରେ ରହିଥିଲେ l ସେଠାରୁ କିଛି ଲୋକ ଆସି ଗାଡି କୁ ନେଇ ନମ୍ବର ପ୍ଲେଟ ବଦଳାଇ ଗଞ୍ଜେଇ ଭର୍ତ୍ତି କରିଥିଲେ l କୋରାପୁଟ ରୁ ବାହାରି ବିହାର ନେବା ବେଳେ ମୈଦଲପୁର ପୋଲିସ ହାତରେ ଧରା ପଡ଼ିଥିଲେ l ଓଜନ ବେଳେ ପାପଡାହାଣ୍ଡି SDPO ଆଦିତ୍ୟ ସେନ,ଥାନା ଅଧିକାରୀ ନଟବର ନନ୍ଦ, SI ବିପୁଲ କୁଲଦୀପ, ASI ଡି. ଦେବି କୁମାର, ପ୍ରବୀଣ ପାଞ୍ଜିଆ, କୁଶ ମାଝୀ, ଭାସ୍କର ରାଓ ଗଣେଶ ମାଝୀ, ଅନୁସୂୟା ସଗରିଆ ପ୍ରମୁଖ ଉପସ୍ଥିତ ଥିଲେ |