ମୟୂରଭଞ୍ଜ – ୧୬/୩/୨୩ (ମସିହା) ବିହାରୀ ମାହୁରୀ ସଂପ୍ରଦାୟର କୂଳଦେବୀ ମଥୁରାସିନୀ ମା’ । ସେମାନଙ୍କର ମା’ ମଥୁରାସିନୀ ହେଉଛନ୍ତି ଆଦ୍ଯାଦେବୀ ଆଦ୍ଯାଦେବୀ ।ଯିଏକି ଲକ୍ଷ୍ମୀ ସ୍ୱରୂପା ଅଟନ୍ତି।ଏହି ପରିପ୍ରେକ୍ଷୀରେ ରାଇରଙ୍ଗପୁରରେ ମାହୁରୀ ବୈଶ୍ଯ ମଣ୍ଡଳ ସଂପ୍ରଦାୟର କୂଳଦେଵୀ ମା’ମଥୁରାସିନୀ ପୂଜା ସମିତି ଆନୁକୁଲ୍ୟରେ ଧୂମଧାମରେ ମା’ଙ୍କ ୧୮ ତମ ବାର୍ଷିକ ପୂଜାତ୍ସୋବ ଅନୁଷ୍ଠିତ ହୋଇଯାଇଛି । ଏହି ପରିପ୍ରେକ୍ଷୀରେ ବୁଧବାର ଦିନ ରାଇରଙ୍ଗପୁର ସହରର ଅଁଳାଡୁବା ସ୍ଥିତ ରାଧାକୃଷ୍ଣ ମନ୍ଦିର ପାଖରୁ ଶ୍ରଦ୍ଧାଳୁମାନେ ଏକ ସୁସଜ୍ଜିତ ରଥରେ ମା’ଙ୍କ ରୂପରେ ଏକ ଶିଶୁ କନ୍ୟାକୁ ବସାଇ ଶୋଭାଯାତ୍ରା କରାଯାଇଥିଲା । ଏଥିରେ ଶହ ଶହ ମହିଳା ପୁରୁଷ ଶ୍ରଦ୍ଧାଳୁ ସୁନ୍ଦର ବେଶଭୂଷାରେ ନିଶାନ ଧରି ସହର ପରିକ୍ରମା କରି ରାଇରଙ୍ଗପୁର ଖଡଗେଶ୍ବର ମନ୍ଦିର ପହଞ୍ଚିଥିଲେ । ମନ୍ଦିର ପ୍ରାଙ୍ଗଣରେ ଥିବା ମା’ ମଥୁରାସିନୀଙ୍କ ସ୍ଥାପିତ ମନ୍ଦିରରେ ସେଠାରେ ବିଶିଷ୍ଟ ପୂଜକ ଅବଧେଶ ମିଶ୍ରଙ୍କ ଏବଂ ସହଯୋଗୀଙ୍କ ଦ୍ବାରା ପୂଜାର୍ଚ୍ଚନା କରାଯାଇଥିଲା । ଶ୍ରଦ୍ଧାଳୁ , ମାନସିକଧାରୀ ମାନେ ପୂଜାର୍ଚ୍ଚନା କରି ଥିଲେ । ଶ୍ରଦ୍ଧାଳୁମାନଙ୍କୁ କମିଟି ତରଫରୁ ଅନ୍ନପ୍ରସାଦ ବଣ୍ଟନ କରାଯାଇଥିଲା । କାର୍ଯ୍ୟକ୍ରମକୁ ଶିବମ ସେଠ,ରିତେଶ ରାମ,ଜୈନେନ୍ଦ୍ର ରାମ, ଜନାର୍ଦ୍ଦନ ରାମ, ବୀରେନ୍ଦ୍ର ରାମ, ଜୀତେନ୍ଦ୍ର ରାମ, ନିରଞ୍ଜନ ରାମ,ଅଜୟ ରାମ,ବିଜୟ ରାମ ଏବଂ ଅନ୍ୟମାନେ ପରିଚାଳନାରେ ସହଯୋଗ କରିଥିଲେ । ଭଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
next post