ଗୋଳାମୁଣ୍ଡା/ମସିହା/୨୫/୨/କଳାହାଣ୍ଡି ଜିଲ୍ଲା ଗୋଳାମୁଣ୍ଡା ବ୍ଲକର ଗୋଳାମୁଣ୍ଡା ଠାରେ ଥିବା ବିଦେଶୀ ମଦ ଦୋକାନ ଖୁଲମ ଖୋଲା ଅବକାରୀ ବିଭାଗ ଜରିଆରେ ବିଜ୍ଞପ୍ତି ପାଇଥିବା ଦର ତାଲିକାକୁ ଫୁ କରି ଚଢା ଦରରେ ବିକ୍ରି ହେଉଥିବା ଅଭିଯୋଗ ହେଉଛି । ଚାରିଜଣ ମଦୁଆ ବିଦେଶୀ ଦୋକାନରୁ ମଦ ବୋତଲ କିଣିଥିବା ବେଳେ ବୋତଳରେଥିବା ପ୍ରିଣ୍ଟିଙ୍ଗ ମୂଲ୍ୟ ଠାରୁ ଚଢା ଦରରେ ବିକ୍ରି କରୁଥିବା ଏକ ଚିତ୍ର ସାମ୍ନାକୁ ଆସିଛି । 
ଗତ କିଛିଦିନ ତଳେ କେଗାଁରେ ଥିବା ବିଦେଶୀ ମଦଦୋକାନରେ ମନଇଚ୍ଛା ମଦ ବିକ୍ରି କରୁଥିଲେ । ଏନେଇ ଅନେକ ଥର ଗଣମାଧ୍ୟମରେ ପ୍ରକାଶ ପାଇଥିଲେ ସୁଦ୍ଧା ଅବକାରୀ ବିଭାଗ ଓ ବିଦେଶୀ ମଦ ଦୋକାନ ମାଲିକ ସହିତ ସଲାସୁତୁରା ହୋଇ ଦୋକାନ ମାଲିକକୁ ଅବକାରୀ ବିଭାଗ ପ୍ରୋତ୍ସାହନ ଦେବା ଘଟଣା ଏଠାରେ ଉଦବେଗ ପ୍ରକାଶ ପାଇଛି । 
ରୋୟାଳ ଷ୍ଟାଗ ୩୭୫ ମିଳିଲିଟରକୁ ୪୦୦ଟଙ୍କା ନେଉଥିବା ବେଳେ ପ୍ରିଣ୍ଟିଙ୍ଗ ମୂଲ୍ୟ ୩୭୦ଟଙ୍କା ଅଛି ବାକି ୩୦ଟଙ୍କା ଚଢା ଦରରେ ବିକ୍ରୟ କରିବା ଯୁକ୍ତିଯୁକ୍ତ କି ? ଗତ କିଛି ଦିନ ତଳେ ଜଣେ ଜୈନିକ ବ୍ୟକ୍ତି କେଗାଁ ବିଦେଶୀ ମଦ ଦୋକାନରେ ବିକାର୍ଡି ଲିମନ ୩୭୫ ମିଳି ଲିଟରର ଏକ ବୋତଲ ୫୨୦ ଟଙ୍କା ଦେଇ କିଣିଥିବା ଅଭିଯୋଗ କରିଥିଲେ । ଅବକାରୀ ବିଭାଗ ଧାର୍ଯ୍ୟ ମୁତାବକ ୪୮୦ଟଙ୍କା ଥିବାବେଳେ ବୋତଲ ପିଛା ୪୦ଟଙ୍କା ଚଢା ଦରରେ ବିକ୍ରୟ କରିବା ଦୁର୍ଭାଗ୍ୟଜନକ ବୋଲି ମଦୁଆ ମାନଙ୍କ ଅଭିଯୋଗ ହେଉଛି । ଚଢା ଦରରେ ବିକ୍ରୟ କରିବା ପଛରେ ସମ୍ପୂର୍ଣ୍ଣ ଅବକାରୀ ବିଭାଗର ହାତ ଅଛି ବୋଲି ଲୋକଲୋଚନରେ ଚର୍ଚ୍ଚା ହେଉଛି । ଏହାକୁ ଦୃଷ୍ଟିରେ ରଖି କଳାହାଣ୍ଡି ଅବକାରୀ ବିଭାଗ ଆରକ୍ଷୀଅଧିକ୍ଷକ ପଦକ୍ଷେପ ନେବେ ବୋଲି ସାଧାରଣରେ ଦାବିହେଉଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ ମସିହା ନିଉଜ୍,
