ନବରଙ୍ଗପୁର—(ମସିହା) ଜୈନ ଅଖିଳ ଭାରତୀୟ ତେରପନ୍ଥ ମହିଳା ମଣ୍ଡଳର ତତ୍ତ୍ୱାବଧାନରେ ନବରଙ୍ଗପୁର ଜୈନ ତେରପନ୍ଥ ମହିଳା ମଣ୍ଡଳ 21 ମାର୍ଚ୍ଚ ମଙ୍ଗଳବାର ଦିନ ଅନ୍ତର୍ଜାତୀୟ ମହିଳା ଦିବସର ଗୌରବ ମୟ ଅବସରରେ ପ୍ରେରଣା ପୁରସ୍କାର ଓ ତାଳ ମେଳ ( Balance work and home ) କାର୍ଯକ୍ରମ ର ସଫଳତାର ସହିତ ଆୟୋଜନ କରିଥିଲେ । ଏହି କାର୍ଯ୍ୟକ୍ରମକୁ ଜୈନ ତେରପନ୍ଥ ମହିଳା ମଣ୍ଡଳ ର ଭଉଣୀମାନେ ଏକ ପ୍ରେରଣା ଗୀତ ସହିତ ଉଦ୍ଘାଟନ କରିଥିଲେ । ଏହା ପରେ ମଣ୍ଡଳର ସଭାପତି ଶ୍ରୀମତୀ ବ୍ରିଜଲତା ଜୈନ କାର୍ଯ୍ୟକ୍ରମ ରେ ଉପସ୍ଥିତ ଥିବା ସମସ୍ତ ଅତିଥିଙ୍କୁ ଅଭିନନ୍ଦନ ଜଣାଇଥିଲେ ଏବଂ ତାଙ୍କ ଅଭିଭାଷଣରେ ଅନ୍ତର୍ଜାତୀୟ ମହିଳା ଦିବସ ଅବସରରେ ଭଉଣୀମାନଙ୍କୁ ତାଙ୍କ ଭାବନା ଏବଂ ଶୁଭେଚ୍ଛା ଜଣାଇଥିଲେ। ଏହା ପରେ ଆଜିର କାର୍ଯ୍ୟକ୍ରମର ସ୍ୱତନ୍ତ୍ର ଅତିଥି , ଭାରତୀୟ ପ୍ରଶାସନର ଜଣେ ଉଲ୍ଲେଖନୀୟ ସେବା ଅଧିକାରୀ ତଥା ନବରଂଗପୁର s.p I.P.S S.Sushree ଙ୍କୁ ପ୍ରେରଣା ସମ୍ମାନ ଦେଇ ସମ୍ମାନୀତ କରାଯାଇଥିଲା । ଏହି ଅବସର ରେ ନବରଂଗପୁର s.p I.P.S S.Sushree କହିଛନ୍ତି ଯେ ଆଜିର ମହିଳାମାନେ ସକ୍ଷମ ଏବଂ ସଶକ୍ତ ଏବଂ ସେମାନଙ୍କର ପରିବାର ଏବଂ ସାମାଜିକ ଦାୟିତ୍ଵ ପୂରଣ କରିବାବେଳେ ପ୍ରତ୍ୟେକ କ୍ଷେତ୍ରରେ ଅଗ୍ରଗତି କରୁଛନ୍ତି | ମହିଳା ମଣ୍ଡଳ ର ସଦସ୍ୟା ବିନ୍ଦୀୟା ଜୈନ ପ୍ରେରଣା ସମ୍ମାନ ପତ୍ର ପଢ଼ି ଶୁଣାଇ ଥିଲେ । ଆନ୍ତର୍ଜାତୀୟ ମହିଳା ଦିବସ ଏବଂ ମହିଳା ସଶକ୍ତିକରଣ ଉପରେ ଶ୍ରୀମତୀ ବବି ଜୈନ ନିଜର ମତ ରଖିଥିଲେ।
ଏହି କାର୍ଯ୍ୟକ୍ରମର ପ୍ରଯୋଜକ ଶ୍ରୀମତୀ ରାଜବାଲା ଜୈନ , ଶ୍ରୀମତୀ ରାଜୁଲ ଜୈନ , କାନ୍ତା ଅଗ୍ରୱାଲ, ପୂଜା ଜୈନ ଏବଂ ମଣ୍ଡଳର ଅନ୍ୟ ଭଉଣୀ ସଦସ୍ୟଙ୍କ ଉପସ୍ଥିତିରେ ମହିଳା ଦିବସ କାର୍ଯ୍ୟକ୍ରମ ସମାପ୍ତ ହୋଇଥିଲା। ଆଜିର ଏହି ପ୍ରେରଣା ସମ୍ମାନ କାର୍ଯ୍ୟକ୍ରମକୁ ମଣ୍ଡଳ ର ସଦସ୍ୟା ରାଜୁଲ ଜୈନ ସଫଳତାର ସହ ପରିଚାଳନା କରିଥିଲେ ଏବଂ ମଣ୍ଡଳ ସଭାପତି ଶ୍ରୀମତୀ ବ୍ରିଜଲତା ଜୈନ ଙ୍କ ଦ୍ୱାରା ଧନ୍ୟବାଦ ଅର୍ପଣ କରାଯାଇଥିଲା ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିୟୁଜ୍