ପାପଡାହାଣ୍ଡି 23/3, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଜଟାବାଲ ପଂଚାୟତ ଜାମ୍ବଗୁଡା ଗ୍ରାମ ଠାରେ ଗୁରୁବାର ଶବ ସତ୍କାର ପାଇଁ ଯିବା ସମୟରେ ମହୁମାଛି ଆକ୍ରମଣରେ 4 ଜଣ ଗୁରୁତର ଆହତ ହୋଇଛନ୍ତି | ସେମାନଙ୍କୁ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଛି | 
ସେମାନେ ହେଲେ ବେଣୁ ଜାନୀ (୪୫), ହରିଶ ଚନ୍ଦ୍ର ମୁଦୁଲି (୨୬), ଡମ୍ବରୁ ଗୌଡ (୫୫), ତ୍ରିନାଥ ମୁଦୁଲି (୩୬) । ଗୁରୁବାର ଦିନ ସକାଳ ସମୟରେ ଜମ୍ବୁଗୁଡା ଗ୍ରାମରେ ଶବ ସତ୍କାର କରିବାକୁ 
ଶ୍ମଶାନ କୁ ଯାଉଥିବା ସମୟରେ ଆର୍ ଏମ୍ ସି ଗୋଦାମ ନିକଟରେ ସମସ୍ତଙ୍କୁ ମହୁମାଛି ଆକ୍ରମଣ କରିଥିଲେ । ସମସ୍ତେ ସେଠାରୁ ନିଜ ଜୀବନ ବଞ୍ଚାଇ ସେଠାରୁ ଧାଇଁ ପଳାଇ ଥିଲେ । ମହୁମାଛି ଆକ୍ରମଣ କରିବା ଦ୍ୱାରା ୪ ବ୍ୟକ୍ତି ଗୁରୁତର ହୋଇ ପଡ଼ିଥିଲେ | 
ଗ୍ରାମର 4 ଜଣଙ୍କୁ ହାତ, ମୁହ,ଛାତିରେ ଆକ୍ରମଣ ଯୋଗୁଁ ଆହତ ହୋଛନ୍ତି | ସ୍ଥାନୀୟ ଲୋକେ ସଙ୍ଗେ 3 ଜଣଙ୍କୁ ମୋଟର ସାଇକଲ ମାଧ୍ୟମ ରେ ଓ ଡମ୍ବରୁ ଗୌଡ ଙ୍କୁ ୧୦୮ ଆମ୍ବୁଲାନ୍ସ ଦ୍ବାରା ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ସୁଚନ ଅନୁଯାୟୀ -ବେଣୁ ଜାନୀ ଏବଂ ଡମ୍ବରୁ ଗୌଡ ଙ୍କ ଶାରୀରିକ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଚିକିତ୍ସା କରାଯାଉଛି। ହରିଶ୍ଚନ୍ଦ୍ର ମୁଦୁଲି,ତ୍ରିନାଥ ମୁଦୁଲି, ପାପଡାହାଣ୍ଡି ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସା ପରେ ଘରକୁ ପଠାଇ ଦିଆଯାଇଛି |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
