ନାଉଗାଁ :- ଟୁକନ ପାଇଥିଲେ ବି ବିକ୍ରିକରି ପାରୁ ନାହାନ୍ତି ଧାନ ! ଆଜିକାଲି କହି ଚାଷୀଙ୍କୁ ଭଣ୍ଡାଉଛନ୍ତି ସମବାୟ ସମିତିର ସମ୍ପାଦକ ! କାହାକୁ କହୁଛନ୍ତିଯେ ସମୟ ସରିଗଲା, ଆଊ ଧାନ ବିକ୍ରିକରି ପାରିବେନି ! ଏପରି କରିବା ପଛର ରହସ୍ୟ କଣ ? ଧାନ ମଣ୍ଡିରେ ଚାଲିଛି କି ଘୃଣ୍ୟ ରାଜନୀତି ?? ନିର୍ଦିଷ୍ଟ ଚାଷୀଙ୍କୁ କରୁଛନ୍ତି ଅଣଦେଖା ? ଆସନ୍ତୁ ଜାଣିବା ଘଟଣାଟି ହେଉଛି ଜଗତସିଂହପୁର ଜିଲ୍ଲାର ନାଉଗାଁ ବ୍ଲକ ଅଧିନସ୍ଥ ଅଲଣା ସେବାସମବାୟ ସମିତି ଦ୍ୱାରା ଖୋଲାଯାଇଥିବା ଧାନମଣ୍ଡିର ! ଏହି ମଣ୍ଡିରେ ଧାନ ବିକ୍ରୟ ପାଇଁ ଅଲଣା ପଞ୍ଚାୟତର ଚାଷୀ ଦେବରାଜ ସାହୁ ଧାନ ବିକ୍ରିପାଇଁ ଫ୍ରେବୃଆରୀ 13 ତାରିଖରୁ ମାର୍ଚ୍ଚ 14 ତାରିଖ ସମୟ ଧର୍ଯ୍ୟ ଥିବାର ସୂଚନା ପାଇଥିଲେ !ନଟବର ବରାଳଙ୍କ ଧାନ ବିକ୍ରି ର ଅବଧି ଥିଲା ଫ୍ରେବୃଆରୀ 14 ରୁ ମାର୍ଚ୍ଚ 16 ତାରିଖ! କିନ୍ତୁ ଏହାଙ୍କ ସହିତ 48 ଜଣ ଚାଷୀ ସମ୍ପାଦକଙ୍କ ରାଜନୀତିର ଶିକାର ହୋଇ ଧାନ ବିକ୍ରୀରୁ ବଞ୍ଚିତ ହେଲେ ! 
ଚାଷୀମାନେ ଏହି ବିଷୟରେ ଯୋଗାଣ ଅଧିକାରୀଙ୍କୁ ଅଭିଯୋଗ କରିଥିଲେ ବି ଯୋଗାଣ ଅଧିକାରୀ ଚାଷୀ ମାନଙ୍କୁ ଆଶ୍ୱାସନା ପରେ ଆଶ୍ୱାସନା ଦେଇ ଚାଲିଲେ ! କିନ୍ତୁ ସେହି ଆଶ୍ୱାସନା ପ୍ରତାରଣା ର ରୂପ ନେବାରୁ ଚାଷୀମାନେ ଧାନ ବୋଝେଇ ଟ୍ରକ ସାମ୍ନାରେ ଆନ୍ଦୋଳନାତ୍ମକ ମନ ନେଇ ବସି ରହିଲେ ! ଚାଷୀ ମାନଙ୍କ ଧାନ ବିକ୍ରି ନହେବାଯାଏ ଟ୍ରକ କୁ ଛାଡ଼ିବେ ନାହିଁ ବୋଲି ନିଜନିଜର ଜିଦ ରେ ଅଟଳ ଅଛନ୍ତି !ଘଟଣା ସ୍ଥଳରେ ଏଆରସିଏସ ପହଂଚି ଯୋଗାଣ ଅଧିକାରୀଙ୍କ ସହିତ ଆଲୋଚନା କରି ସମାଧାନର ବାଟ ବାହାର କରିବାକୁ କହିଥିଲେ ! ଚର୍ଚ୍ଚା ହେଉଛି ଯେ ସମ୍ପାଦକ ମହୋଦୟ ନିଜ ଲୋକ ମାନଙ୍କୁ ଦେଖି ଘରପିଛା ପାଞ୍ଚ ଛଅ କରି ଟୁକନ ଦେଇ ଅନ୍ୟ ଚାଷୀ ମାନଙ୍କୁ ଅଣଦେଖା କରିବା ପଛର କାରଣ ହୀନ ରାଜନୀତି ! ନବ ନିର୍ବାଚିତ ସଭାପତିଙ୍କ ସହିତ ସମ୍ପାଦକଙ୍କର ରାଜନୈତିକ ମଧୁଚନ୍ଦ୍ରିକା ଚାଲିଛି ବୋଲି ଲୋକମାନେ କହୁଥିବାର ଶୁଣିବାକୁ ମିଳିଛି ! ଚାଷୀମାନଙ୍କ ପାଇଁ ରାଜନୀତି ଦେଶପାଇଁ ଘୋର ବିପତ୍ତି ! ଦେଖାଯାଉ ପ୍ରଶାସନିକ ନୀତି କରୁଛି କଣ ?
ନାଉଗାଁ ରୁ ଭାଗବତ ପ୍ରସାଦଙ୍କ ରିପୋର୍ଟ ମସୀହା ନ୍ୟୁଜ ଓଡିଶା !
