ରୁପ୍ରା, ୨୫/୩ (ମନିସ ) : ନର୍ଲାବ୍ଲକ୍ ନର୍ଲା ଗୋଷ୍ଠୀ ଶିକ୍ଷାକେନ୍ଦ୍ର ଶ୍ରୀପୁର ଆଞ୍ଚଳିକ ସାଧନ କେନ୍ଦ୍ର ଅଧିନ ସିନାଙ୍ଗ ଉଚ୍ଚ ପ୍ରାଥମିକ ବିଦ୍ୟାଳୟରେ ଶୁକ୍ରବାର ଓ ଶନିବାର ଦୁଇଦିନ ଧରି ଅନୁଷ୍ଠିତ ହେଉଥିବା ଆମ ସଂସ୍କୃତି ଆମ ଖେଳଣା ପ୍ରସ୍ତୁତି କର୍ମଶାଳା ଉଦଯାପିତ ହୋଇଯାଇଛି। ଏହି କର୍ମଶାଳା ଶ୍ରୀପୁର ସିଆରସିସି ରଘୁପତି ନାଏକଙ୍କ ନେତୃତ୍ୱରେ ଅନୁଷ୍ଠିତ ହୋଇଥିବା ବେଳେ ସିନାଙ୍ଗ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଭୂଜ କୁମାର ଅଧ୍ୟକ୍ଷତା କରିଥିଲେ। ଏହି ଅବସରରେ ମୁଖ୍ୟ ଅତିଥି ଭାବରେ ଏବିଇଓ ନର୍ଲା ସୂର୍ଯ୍ୟ ନାରାୟଣ ବାଗ ଯୋଗଦାନ କରିଥିଲେ। ଚାରି ଜଣ ସାଧନ କର୍ମି ବିଭିନ୍ନ ଉପକରଣ ପ୍ରସ୍ତୁତି ଉପରେ ଆଲୋକପାତ କରିଥିଲେ। ଅନ୍ୟ ମାନଙ୍କ ମଧ୍ୟରେ ଟକର୍ଲା ୟୁଜିଏଚ୍ଏସ୍ ର ଶିକ୍ଷକ ହରପ୍ରସାଦ ସାହୁଙ୍କ ସମେତ କ୍ଲଷ୍ଟର୍ ଅଧିନ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ। ଶେଷରେ ଶ୍ରୀପୁର ସିଆରସିସି ଶ୍ରୀ ନାଏକ ଧନ୍ୟବାଦ ଅର୍ପଣ କରିଥିଲେ।
previous post