ଡାବୁଗାଁ,୨୭/୩ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ଅଧୀନ କେନ୍ଦୁଗୁଡା ଗ୍ରାମରେ ଜଣେ ବିବାହିତ ମହିଳା ଆତ୍ମହତ୍ୟା କରିଥିବା ନେଇ ସୋମବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ଡାବୁଗାଁ ଥାନା ଅଧୀନ କେନ୍ଦୁଗୁଡା ଗ୍ରାମର ତୁଳସୀ ଗୌଡ (୨୧) ପାପଡାହାଣ୍ଡି ବ୍ଲକ ଅଧୀନ ମୁଣ୍ଡୀଗୁଡା ଗ୍ରାମର ରଞ୍ଜିତ ଗୌଡଙ୍କୁ ଗତବର୍ଷ ବିବାହ କରିଥିଲେ | କିଛି ମାସ ତଳେ ରଞ୍ଜିତ ଗୌଡ କୁଲି କାମ କରିବାକୁ ଅନ୍ୟ ରାଜ୍ୟକୁ ଯାଇଥିଲେ | ସ୍ଵାମୀ ନଥିବାରୁ ଗତ ୧୫ ରୁ ୨୦ ଦିନ ହେଲା ତୁଳସୀ ଶାଶୁ ଘରୁ ନିଜ ବାପ ଘର କେନ୍ଦୁଗୁଡା ଗ୍ରାମକୁ ଚାଲି ଆସିଥିଲେ | ସେହି ଦିନ ଠାରୁ ବାପ ଘରେ ରହୁଥିଲେ | ୪ ଦିନ ହେଲା ସ୍ଵାମୀ ରଞ୍ଜିତ ନିଜ ଘରକୁ ଫେରିଥିଲେ | ଘରେ ସ୍ତ୍ରୀ ତୁଲସୀ ନଥିବାରୁ ସେ ମଧ୍ୟ ତାଙ୍କୁ ନିଜ ଘରକୁ ନେବାକୁ କେନ୍ଦୁଗୁଡା ଆସିଥିଲେ | ୨ ଜଣ କଥା ହୋଇଥିଲେ ଯେ ୨ ଦିନ ପରେ ନିଜ ଘର ମୁଣ୍ଡୀଗୁଡା ଯିବା | ରବିବାର ସକାଳୁ ତୁଲସୀ ଶୌଚ ପାଇଁ ଗ୍ରାମପାଖ ଆଡିବନ୍ଧକୁ ଯାଇଥିଲେ | ଦିନ ୧୧ ଘ. ସୁଦ୍ଧା ତୁଲସୀ ନାଫେରିବାରୁ ସ୍ଵାମୀ ରଞ୍ଜିତଙ୍କ ସହ ତାଙ୍କ ପରିବାର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ କିନ୍ତୁ ପାଇନଥିଲେ | ସୋମବାର ସକଳ ୮ ଘ. ରେ ଖବର ପାଇଥିଲେ ଯେ ଆଡିବନ୍ଧ ପାଖରେ ଥିବା ଜଙ୍ଗଲ ମଧ୍ୟରେ ଏକ କସମ କୋଳି ଗଛରେ ଜିନ ଓଢଣି ବେକରେ ବାନ୍ଧି ଫାଶୀ ହୋଇଛି | ଖବର ପାଇ ପରିବାର ଲୋକ ଦେଖିଥିଲେ ଯେ ତୁଲସୀ ଫାଶୀ ହୋଇ ଆତ୍ମହତ୍ୟା କରିଛି | ଏନେଇ ମୃତକର ସ୍ଵାମୀ ରଞ୍ଜିତ ଗୌଡ ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ସବଇନିସ୍ପେକ୍ଟର ବିଜୁରାମ ବାଗ ଘଟଣାସ୍ଥଳରେ ପହଞ୍ଚି ଶବ ଜବତ କରିଥିଲେ | ପରେ ଡାବୁଗାଁ ଅତିତିକ୍ତ ତହସିଲଦାର ସତିଶ କୁମାର ବଇନି ଙ୍କ ଉପସ୍ଥିତିରେ ଶବକୁ ପଞ୍ଚନାମା କରାଯାଇଥିଲା | ଶବ ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ | ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୧୪/୨୩ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ