ମ,ରାମପୁର,୩/୪( ମାସୀହା):- କଳାହାଣ୍ଡି ଜିଲ୍ଲା ମ,ରାମପୁର ବ୍ଲକ୍ ପଣ୍ଡକାମାଲ ପଞ୍ଚାୟତ ତୁଜୁଙ୍ଗ ଗ୍ରାମରେ ୧୯୬୭ ମସିହାରୁ ପ୍ରଭୁ ଶ୍ରୀରାମଚନ୍ଦ୍ରଙ୍କ ଶ୍ରୀରାମଲୀଳା ନାଟକ ପରିବେଷିତ ହୋଇ ଆସୁଛି । ମହୋତ୍ସବ ର ପ୍ରଥମ ଦିନ ରେ ମଞ୍ଚ ରେ ଆଦ୍ୟ କାଣ୍ଡ ଏବଂ ଅଯୋଧ୍ୟା କାଣ୍ଡ ନାଟକ ପରିବେଷଣ ହୋଇଥିଲା । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂହ ଦେଓ ଓ ସମ୍ମାନିତ ଅତିଥି ଭାବରେ ରାମବତାର ଅଗ୍ରୱାଲ, ସତ୍ୟନାରାୟଣ ସାହୁ, ରୋମାଞ୍ଚ ସାହୁ,ଚିରାଗ ସିଂହ ଦେଓ, ପ୍ରେମସଗାର ନାଏକ,ଦିବାକର ସାହୁ, ଉଲପି ସାହୁ ପ୍ରମୁଖ ମଞ୍ଚାସୀନ ହୋଇଥିଲେ । ଶ୍ରୀ ଶ୍ରୀ ରାମଜୀଉ ସାଂସ୍କୃତିକ ଅନୁଷ୍ଠାନ ର ସଭାପତି କାମଦେବ ସାହୁ, ସମ୍ପାଦକ ନରେଶ ସାହୁ , ଉପଦେଷ୍ଟା ଡାକ୍ତର ଲୋକନାଥ ସାହୁ ମଧ୍ୟ ଉପସ୍ଥିତ ରହିଥିଲେ । ପାର୍ଥବ ବାଗ ନାଟକକୁ ରଚନା ଏବଂ ନିର୍ଦେଶନା ଦେଇଥିଲେ l ଯୁବ ଲେଖକ ତଥା କବି ବିଶ୍ୱନାଥ ସାହୁ ମଞ୍ଚ ପରିଚାଳନା କରିଥିଲେ l ଅନୁଷ୍ଠାନ ତରଫରୁ ଗ୍ରାମର ପ୍ରଥମ ନାଟ୍ୟ ଗୁରୁ ଫକୀର ସାହୁ ଏବଂ ପୁରୁଣା କଳାକାର ମାନଙ୍କୁ ଅତିଥି ମାଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା । ଚଳିତ ବର୍ଷ ମହୋତ୍ସବ ର ଗୁରୁଦାୟିତ୍ୱ ତୁଲାଉଥିବା ଡାକ୍ତର ଲୋକନାଥ ସାହୁ ଙ୍କୁ ମଧ୍ୟ ସମର୍ଦ୍ଧନା ଦିଆଯାଇଥିଲା।
ପରିଶେଷରେ ସମସ୍ତ କଳାକାର, ଅନୁଷ୍ଠାନ ର ସମସ୍ତ ସଦସ୍ୟ,ଗ୍ରାମ ର ସର୍ବସାଧାରଣ ଙ୍କୁ ଧନ୍ୟବାଦ ଦେଇ ମଞ୍ଚ କାର୍ଯ୍ୟକ୍ରମକୁ ସମାପନ କରି ନାଟକ ପରିବେଷଣ କରାଯାଇଥିଲା ।