ରାଉରକେଲା/୮୮ତମ ଉତ୍କଳ ଦିବସ ପାଳନ ଅବସରରେ ସୁନ୍ଦରଗଡ଼ ସ୍ଥିତ ସଂସ୍କୃତି ଭବନ ଠାରେ ଆୟୋଜିତ ଭବ୍ୟ କାର୍ଯ୍ୟକ୍ରମରେ ବରିଷ୍ଠ ପ୍ରଧାନଶିକ୍ଷୟିତ୍ରୀ ବିଜୟିନୀ ଜେନା ଙ୍କୁ ରାଜ୍ୟ କୃତୀଶିକ୍ଷକ ସମ୍ମାନ -୨୦୧୭ ପାଇଁ ପୁରସ୍କୃତ ଏବଂ ସମର୍ଦ୍ଧିତ କରାଗଲା l ମାନ୍ୟବର ମୁଖ୍ୟମନ୍ତ୍ରୀ ତଥା ମାନ୍ୟବର ଗଣଶିକ୍ଷା ମନ୍ତ୍ରୀ ଙ୍କ ସ୍ବାକ୍ଷର ବିଶିଷ୍ଟ ପ୍ରମାଣପତ୍ର ସହ ଉପଢୌକନ ଏବଂ 
୨୫ହଜାର ଟଙ୍କା ଆର୍ଥିକ ପୁରସ୍କାର ଜିଲ୍ଲାପାଳ, ସୁନ୍ଦରଗଡ଼ ଡ଼. ଗାଭଲି ପରାଗ ହର୍ଷଦ ପ୍ରଦାନ କରିଥିଲେ l ପୁରସ୍କୃତ କରିବା ଅବସରରେ ସୁନ୍ଦରଗଡ଼ ଜିଲ୍ଲା ଶିକ୍ଷା ଅଧିକାରୀ ଅମୂଲ୍ୟ କୁମାର ପ୍ରଧାନ, ଜିଲ୍ଲା ପରିଷଦ ଅଧକ୍ଷା କୁନ୍ତୀ ପ୍ରଧାନ,ତଥା ବହୁ ମାନ୍ୟଗଣ୍ୟ ପଦସ୍ଥ କର୍ମଚାରୀ ଉପସ୍ଥିତ ଥିଲେ l ଶ୍ରୀମତୀ ଜେନା ପିତା ସ୍ବର୍ଗତ ଶିବ ଚରଣ ଜେନା, ମାତା ସ୍ବର୍ଗତ ନିର୍ମଳା ଜେନା ଙ୍କ ଜ୍ୟେଷ୍ଠା କନ୍ୟା ଅଟନ୍ତି l ୧୯୬୨ମସିହା ପବିତ୍ର ଉତ୍କଳ ଦିବସ ରେ ଜନ୍ମିତ ଶ୍ରୀମତୀ ଜେନା ନିଜର ୧୯୮୩ ମସିହାରେ ନିଜର ଶିକ୍ଷକତା ଜୀବନ ଆରମ୍ଭ କରିଥିଲେ l
ଛାତ୍ରବତ୍ସଳା ଶିକ୍ଷୟିତ୍ରୀ ଭାବେ ନିଜର ୩୯ବର୍ଷ ର ଶିକ୍ଷକତା ଭିତରେ ସହକାରୀ ତଥା ପ୍ରଧାନ ଶିକ୍ଷୟିତ୍ରୀ ଭାବେ ବିଶ୍ରା ବ୍ଲକ ତଥା ରାଉରକେଲା ପୌରାଞ୍ଚଳ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ,ରଘୁନାଥପାଲ୍ଲୀ, ପାନପୋଷ ଓ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ରିଜର୍ଭ ପୋଲିସ ଲାଇନ ଠାରେ ନିଜ କାର୍ଯ୍ୟ ଦକ୍ଷତା ର ଛାପ ଛାଡିଯାଇଛନ୍ତି l ଅନେକ ଛାତ୍ର ଛାତ୍ରୀଙ୍କୁ ଆଦର୍ଶ ରୂପେ ଗଢି ତୋଳିଛନ୍ତି ଏବଂ ସାଧନ କର୍ମୀ ଭାବେ ବହୁ ଶିକ୍ଷକ ଶିକ୍ଷୟିତ୍ରୀ ମାନଙ୍କ ମାର୍ଗଦର୍ଶକ ସାଜିଛନ୍ତି lପେଶା କୁ ନିଶା ଭାବରେ ଗ୍ରହଣ କରିଛନ୍ତି ଓ ସାରସ୍ୱତ ସାଧନା ରେ ମଧ୍ୟ୍ୟ ଖ୍ୟାତି ଅର୍ଜନ କରିଛନ୍ତି l ତାଙ୍କ ର ବହୁ ଗଳ୍ପ, କବିତା, ଶିଶୁ ସାହିତ୍ୟ ବିଭିନ୍ନ ପତ୍ର ପତ୍ରିକା ରେ ସ୍ଥାନ ପାଇ ଲୋକାଦୃତ ହୋଇଛି l ବିଭିନ୍ନ ସମୟ ରେ ଜିଲ୍ଲା ତଥା ରାଜ୍ୟ ର ବିଭିନ୍ନ ଅନୁଷ୍ଠାନ ମାନଙ୍କ ଦ୍ୱାରା ସେ ପୁରସ୍କୃତ ଓ ସମର୍ଦ୍ଧିତ ହୋଇଛନ୍ତି l ବିଦ୍ୟାଳୟ ସ୍ତର ରେ କୁନି କୁନି ପିଲାମାନଙ୍କ ର ସୃଷ୍ଟି ସର୍ଜନା କୁ ନେଇ ‘ପ୍ରୟାସ ‘ନାମକ ହାତଲେଖା ବାର୍ଷିକ ପତ୍ରିକା ବାହାର କରି ସେ ଛାତ୍ର, ଅଭିଭାବକ, ତଥା ସାହିତ୍ୟ ପ୍ରେମୀ ଙ୍କ ନିକଟରେ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି l ସମାଜ କୁ ତାଙ୍କ ର ଅବଦାନ ଅତୁଳନୀୟ ହେତୁ ବୁଦ୍ଧିଜୀବୀ ମହଲରେ ଶୁଭେଚ୍ଛା ଜ୍ଞାପନ କରାଯାଇଛି ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
