ତିର୍ତୋଲ :- 04/04/23 :- ପଞ୍ଚାୟତକୁ ଦୃଢ ସେବା ଯୋଗାଇ ଆବଶ୍ୟକତା ଅନୁସାରେ ସରକାରୀ ଯୋଜନାକୁ କାର୍ଯ୍ୟକାରୀ କରାଇବାକୁ ବ୍ଲକ ସ୍ତରୀୟ ପ୍ରଶିକ୍ଷଣ କର୍ମଶାଳା କରାଯାଉଛି ! ଜଗତସିଂହପୁର ଜିଲ୍ଲାର ତିର୍ତୋଲ ବ୍ଲକର ୱାର୍ଡ ସଭ୍ୟ ସଭ୍ୟା ମାନଙ୍କୁ ନେଇ ଏକ ପ୍ରଶିକ୍ଷଣ କର୍ମଶାଳା ତିର୍ତୋଲ ଆନନ୍ଦ ମଣ୍ଡପ ପରିସରରେ ଅନୁଷ୍ଠିତ ହୋଇଯାଇଛି ! ଏହି କର୍ମଶାଳାରେ ମୁଖ୍ୟଅତିଥି ଭାବେ ତିର୍ତୋଲ ବ୍ଲକ ଅଧ୍ୟକ୍ଷ ମନୋଜ କୁମାର ବେହେରା ଯୋଗଦେଇଥିବା ବେଳେ, ସମ୍ମାନିତ ଅତିଥି ଥିଲେ ତିର୍ତୋଲ ଏ. ବି.ଡ଼ି. ଓ. ସତ୍ୟଜିତ ସ୍ୱାଇଁ ! ଅନ୍ୟତମ ଅତିଥି ଥିଲେ ସାମ୍ବାଦିକ ସୁରକ୍ଷା ସମିତିର ସଭାପତି ଶରତ କୁମାର ଦାଶ ଏବଂ ତିର୍ତୋଲ ପଞ୍ଚାୟତର ସରପଞ୍ଚ ପ୍ରିୟମ୍ବଦା ମହାପାତ୍ର ! ଏହି କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ ସ୍ମୃତି ରଞ୍ଜନ ଦାଶ ! ସିଏଏସଡ଼ି ର ପରିଚାଳକ ପ୍ରତାପ ଜେନା ମଧ୍ୟ ଏହି ପ୍ରଶିକ୍ଷଣ କାର୍ଯ୍ୟକ୍ରମରେ ଉପସ୍ଥିତ ଥିବାର ଦେଖିବାକୁ ମିଳିଥିଲା ! ଉକ୍ତ ପ୍ରଶିକ୍ଷଣ କର୍ମଶାଳାରେ ତରଜଙ୍ଗା, ତେନ୍ତୁଳିପଦା, ତିର୍ତୋଲ ଓ ଜଡତିରା ସର୍ବମୋଟ ଚାରୋଟି ପଞ୍ଚାୟତର ଷାଠିଏ ଜଣ ୱାର୍ଡ ସଭ୍ୟ ସଭ୍ୟା ଯୋଗ ଦେଇଥିଲେ ! ଗୋଟିଏ ବ୍ୟାଚରେ ଷାଠିଏ ଜଣକୁ ନେଇ ତିନି ଦିନ ବ୍ୟାପି ପ୍ରଶିକ୍ଷଣ ଦିଆ ଯିବାର କାର୍ଯ୍ୟକ୍ରମ ଥିବାବେଳେ, ଏହି କର୍ମଶାଳା ଅପ୍ରେଲ 04 ତାରିଖରୁ ଆରମ୍ଭ ହୋଇ ଅପ୍ରେଲ 29 ତାରିଖ ଯାଏ ଚାଲୁ ରହିବ ବୋଲି ପ୍ରୟୋଜକ ଙ୍କ ଠାରୁ ସୂଚନା ମିଳିଛି ! ଦେକହିବାକୁ ରହିଲା ଏହି ପ୍ରଶିକ୍ଷଣ କର୍ମଶାଳା ୱାର୍ଡ ସଭ୍ୟ ସଭ୍ୟାଙ୍କୁ କିଛି ନୂଆ କରିବାକୁ ପ୍ରୋତ୍ସାହନ ଦେଉଛି ନା ପୁନଃ ମୂଷିକ ଭଵଃ ନୀତିରେ ଆଗକୁ ନେଉଛି !
previous post