କାମାକ୍ଷାନଗର -ଓଡ଼ିଶା ସାହିତ୍ୟ ଏକାଡେମୀ , ସମାଜ ପାଠକ ମଞ୍ଚ ଓ କଳ୍ପନା କ୍ଲବ ର ମିଳିତ ଆନୁକୂଲ୍ୟରେ ସ୍ଥାନୀୟ କଳ୍ପନା କ୍ଲବ ପରିସରରେ ଢେଙ୍କାନାଳ ର ମୃଧନ୍ୟ କବି ବ୍ରଜନାଥ ବଡ଼ଜେନା ଙ୍କ ରାଜ୍ୟ ସ୍ତରୀୟ ଜୟନ୍ତୀ ଉତ୍ସବ ମହାସମାରୋହ ରେ ଅନୁଷ୍ଠିତ ହୋଇଯାଇଛି । ସମାଜ ପାଠକ ଵିଚାର ମଞ୍ଚ ର ଆବାହକ ଶୁଭମୟ ନନ୍ଦ ଙ୍କ ଆବାହକତ୍ୱ ରେ ତଥା ଓଡିଶା ସାହିତ୍ୟ ଏକାଡେମୀ ର ସଦସ୍ୟା ଅଧ୍ୟାପିକା ଡକ୍ଟର ପୁଷ୍ପଳତା ରଥ ଙ୍କ ସଭାପତିତ୍ୱ ରେ ଆୟୋଜିତ ସଭାରେ ମୁଖ୍ୟଅତିଥି ରୂପେ ପଦ୍ମଶ୍ରୀ ପଣ୍ଡିତ ଡକ୍ଟର ଅନ୍ତର୍ଯ୍ୟାମୀ ମିଶ୍ର , ବିଶିଷ୍ଠ ଅତିଥି ରୂପେ କାମାକ୍ଷାନଗର ଉପଜିଲ୍ଲାପାଳ ଜ୍ୟୋତିଶଙ୍କର ସାହୁ , ମୁଖ୍ୟବକ୍ତା ଭାବେ ବରିଷ୍ଠ ଅଧ୍ୟାପକ ଜ୍ଞାନରଞ୍ଜନ ମିଶ୍ର , ସମ୍ମାନିତ ଅତିଥି ରୂପେ କାମାକ୍ଷାନଗର ଏନ ଏ ସି ର ପୂର୍ବତନ ନଗରପାଳ ଗୋବିନ୍ଦଚନ୍ଦ୍ର ସାହୁ , ଅବସରପ୍ରାପ୍ତ ଅଧ୍ୟକ୍ଷ ମେଜର ପ୍ରଭାତ କୁମାର ଦାଶ , ସାହିତ୍ୟ ଏକାଡେମୀ ସଦସ୍ୟ ବାହାଦୂର ପଟ୍ଟଶାହାଣୀ ଉପସ୍ଥିତ 
ଥିଲେ । କବି ବଡ଼ଜେନା ଙ୍କ ର ଓଡ଼ିଆ ସାହିତ କୁ ବଳିଷ୍ଠ ଅବଦାନ , ତାଙ୍କର କାବ୍ୟ କବିତା ର ସାମାଜ ଉପରେ ପଡିଥିବା ପ୍ରଭାବ ଉପରେ ମୁଖ୍ୟଅତିଥି ଆଲୋକପାତ କରିଥିଲେ । ଓଡ଼ିଶାର ସାହିତ୍ୟ କୃତି ଗୁଡିକ ବିଭିନ୍ନ ଭାଷାରେ ଦେଶବିଦେଶ ରେ ଆଦୃତି ଲାଭ କରିବା ର ଆବଶ୍ୟକତା ରହିଛି ବୋଲି ବିଶିଷ୍ଟ ଅତିଥି ମତ ପ୍ରକାଶ କରିଥିଲେ । ଦ୍ଵିତୀୟ ଅଧିବେଶନ ରେ ସମାଜ ପାଠକ ବିଚାର ମଞ୍ଚର ଉପ ସଭାପତି ଶ୍ରୀରାମ ରାଉତ ଙ୍କ ଅଧ୍ୟକ୍ଷତାରେ ସଂଯୋଜକ ନିରଞ୍ଜନ ସାହୁ ଓ ସମରେନ୍ଦ୍ର ନାୟକଙ୍କ ସଂଯୋଜନା ରେ କବିତା ପାଠୋତ୍ସଵ ଅନୁଷ୍ଠିତ ହୋଇଥିଲା । ଅଧ୍ୟାପକ ଜ୍ଞାନରଞ୍ଜନ ମିଶ କବିତା ଗୁଡିକୁ ସମୀକ୍ଷା କରିଥିଲେ । ସଭ୍ୟ ପ୍ରମୋଦ ସ୍ୱାଇଁ , ଡକ୍ଟର ଜୟକୃଷ୍ଣ ମିଶ୍ର ,ଆଡଭୋକେଟ ପ୍ରେମାନନ୍ଦ ସାହୁ , ପ୍ରଦୀପ କୁମାର ମହାପାତ୍ର , ମଧୁସୂଦନ ସେଣ୍ଢ , ମଧୁସୂଦନ ରାଉତ , ସନ୍ତୋଷ କୁମାର ମିଶ୍ର ପ୍ରମୁଖ କାର୍ଯ୍ୟକ୍ରମ ରେ ସହଯୋଗ କରିଥିଲେ । ମଞ୍ଚ ର ସମ୍ପାଦକ ଶରତ ଚନ୍ଦ୍ର ବେହେରା ଧନ୍ୟବାଦ ଅର୍ପଣ କରିଥିଲେ ।
ଢେ଼ଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ସହ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ୍
