ରାଉରକେଲା/ ମିନାକ୍ଷୀ ଧର ଫାଉଣ୍ଡେସନ ପକ୍ଷରୁ ସେକ୍ଟର-୩ ବଲାଙ୍ଗୀର ବସ୍ତି ଓ ସେକ୍ଟର-୬ ମହିମା ଆଶ୍ରମ ନିକଟସ୍ଥ ବସ୍ତିରେ ପୁରୁଣା ବସ୍ତ୍ର, ବିସ୍କୁଟ ଓ ଫଳ ବଂଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଆର୍ଥିକ ଦୁର୍ବଳ ଶ୍ରେଣୀ ବ୍ୟକ୍ତିବିଶେଷ ଆଗ୍ରହର ସହ ବସ୍ତ୍ର ଗ୍ରହଣ କରିଥିଲେ । ଛୋଟ ପିଲାମାନଙ୍କୁ ବିସ୍କୁଟ ଓ ଫଳ ବଂଟନ କରାଯାଇଥିଲା । ଫାଉଣ୍ଡେସନର ଆବାହକ ଇଂ. ନଳିନୀ କାନ୍ତ ଧରଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ 
ଶଙ୍କର ଜେନା, ବିବେକାନନ୍ଦ ଦାସ, ଜ୍ୟୋର୍ତିମୟ ଆଚାର୍ଯ୍ୟ, ସିଲି ମହାନ୍ତି, ସୁନିତା ଶ୍ରୀନିବାସନ, ନିରୁପମା ଦାଶ, ଝୂୁନୁ ନାୟକ, ରଂଜିତ୍ ମଲ୍ଲିକ, ସୁଶାନ୍ତ ସାମନ୍ତରାୟ, ଆକାଶ, ପୂଜା ଓ ପ୍ରାଚୀ ପ୍ରମୁଖ ଉପସ୍ଥିତ ରହି ଏହି ବଂଟନ କାର୍ଯ୍ୟକ୍ରମରେ ସହଯୋଗ କରିଥିଲେ । ଶ୍ରୀ ଧର ବସ୍ତିବାସିନ୍ଦାମାନଙ୍କୁ ବିଭିନ୍ନ ସରକାରୀ ଯୋଜନା ଓ ସାମାଜିକ ସୁରକ୍ଷା ଯୋଜନା ସଂପର୍କରେ ଅବଗତ କରାଇ ଏ ସବୁର ସୁବିଧା ନେବା ପାଇଁ ପରାମର୍ଶ ଦେଇଥିଲେ । ଆଗାମୀ ଦିନରେ ଫାଉଣ୍ଡେସନ୍ ପକ୍ଷରୁ ଅନ୍ୟାନ୍ୟ ସାମାଜିକ କାର୍ଯ୍ୟ କରାଯିବ ବୋଲି ଶ୍ରୀ ଧର ପ୍ରକାଶ କରିଛନ୍ତି । ଶେଷରେ ଜ୍ୟୋର୍ତିମୟ ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
