କର୍ଲାମୁଣ୍ଡା: ପ୍ରଚଣ୍ଡ ରୌଦ୍ରତାପରେ ଜନମାନସ ତ୍ରାହି ତ୍ରାହି ଡାକ ଛାଡୁଥିବା ବେଳେ ପୋଖରୀରେ ପ୍ରଚୁର ପାଣି ଥାଇ ଗାଧୋଇ ପାରୁ ନାହାନ୍ତି ତେରେସିଂହା ଗ୍ରାମବାସୀ l କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ୍ ଅନ୍ତର୍ଗତ ତେରେସିଂହା ଗ୍ରାମ ଏକ ଜନ ବହୁଳ ଗ୍ରାମ l ଗ୍ରାମରେ ଏକ ବଡ଼ ପୋଖରୀ ସାଙ୍ଗକୁ ଗାଧୋଇବା ପାଇଁ ପ୍ରଚୁର ପାଣି ମଧ୍ୟ ଅଛି l କିନ୍ତୁ ଗ୍ରାମବାସୀ ଗାଧୋଇ ପାରୁ ନାହାନ୍ତି l ଗତ 
ବର୍ଷ ଠାରୁ ଏହି ପୋଖରୀରେ ଏକ ନୂତନ ଜଳ ଉଦ୍ଭିଦ ପୋଖରୀ ସାରା ପ୍ରଚୁର ମାତ୍ରାରେ ଭାସୁ ଥିବାରୁ ଗାଧୁଆ ଘାଟ ଗୁଡ଼ିକରେ ଗାଧୋଇ ହେଉନାହିଁ l ତାହା ଗାଧୁଆ ଘାଟକୁ ମାଡ଼ି ଆସୁଛି l ଦିନକୁ ଦିନ ପାଣି ମଧ୍ୟ ଦୂଷିତ ହେବାରେ ଲାଗିଛି l ପୋଖରୀର ଏହି ସବୁକୁ ସଫା କରିବା ପାଇଁ ବିଭିନ୍ନ ସମୟରେ ଦାବି ହୋଇ ଆସୁଥିଲେ ହେଁ କୌଣସି ସୁଫଳ ମିଳୁନାହିଁ l ଯା’ ଫଳରେ ଗ୍ରାମବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି l ଏ ନେଇ ସୋସିଆଲ ମିଡ଼ିଆରେ ମଧ୍ୟ ବିଭିନ୍ନ ମତ ପ୍ରକାଶ ପାଉଥିବା ଦେଖାଯାଏ l ଏ ନେଇ ସ୍ଥାନୀୟ ସରପଞ୍ଚ ପ୍ରମୋଦ ସୁନାଙ୍କୁ ଯୋଗାଯୋଗ କରିବାରୁ ସେ ଆସନ୍ତା କାଲି ତାହାର ବ୍ୟବସ୍ଥା କରିବେ ବୋଲି ମତ ପ୍ରକାଶ କରିଛନ୍ତି l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
